prabhu baink new

प्रहरीया मिखा छलेयानाः विप्लव नेकपाया नेता बिस्युं वन

नेवा: अनलाइन न्युज – ललेन्द्र शाक्य | २०७७ भाद्र १५, सोमबार १०:५८:१६

नेकपा विप्लवया नेतृ उमा भुजेललिसें निम्ह नेतापिन्त त्वःतल

सप्तरी प्रहरीपाखें गिरफ्तार याःपिं नेत्रविक्रम चन्द विप्लवया नेतृत्वया नेकपाया नेतृ उमा भुजेल व नेता सुमनसिंह पौडेल अदालतया आदेशय् त्वःतूगु दु ।

हाकनं गिरफ्तार यायेत प्रहरीत अदालत परिसरय् थ्यंकूसां नं इपिं प्रहरीया मिखा छलेयानाः उम्केजुइत ताःलाःगु दु ।

सप्तरी जिल्ला अदालतं न्यायाधीश चन्द्रमणि ज्ञवाली व सप्तरी जिल्ला बार एशोसिएसनया नायः डोमन साहया रोहवरय् म्हिगः आइतवाः सनिलय् त्वःतूगु खः ।

उगु निम्हेसिगु हकय् प्रतिमा भुजेलं सर्वोच्च अदालतय् बन्दी प्रत्यक्षीकरणया रिट दायर याःगु खः । उगु रिटया आधारय् सर्वोच्च अदालतं सम्बन्धित जिल्लाय् उपस्थित याकाः जिल्ला न्यायाधीशया रोहवरय् थुनामुक्त यानाः उकिया जानकारी याकेत सप्तरी जिल्ला अदालतयात आदेश बिइधुंकाः अनं निम्हेसित त्वःतूगु खः ।

थ्वसिबें न्ह्यः सुनसरीइ गिरफ्तारीइ लाःपिं उपिं निम्हं वंगु भाद्र २ गते सुनसरी जिल्ला अदालतपाखें साधारण तारेखय् रिहा जूगु खः । रिहा जुइखतं सुनसरी प्रहरीं हाकनं गिरफ्तार यानाः सप्तरी प्रहरीया जिम्मा ब्यूगु खः । सप्तरीया इलाका प्रहरी ज्याकुथि कञ्चनपुरं निम्हं विरुद्ध अभद्र व्यवहारया द्वपनय् मुद्दा दायर याःगु खः ।

नेतृ भुजेल व नेता पौडेलयात हाकनं गिरफ्तार यायेत अदालत परिसरय् प्रहरी परिचालित जूगु खः । तर, प्रहरीयात झुकेयानाः निम्हं अदालतं उम्केजूगु खः ।

जिल्ला अदालतया गेट न्ह्यःने प्रहरी निरीक्षया नेतृत्वय् निम्हेसित हाकनं नियन्त्रणय् कायेत प्रहरी परिचालित जूसां नं निम्हं अदालतया ल्यूनेपाखेया गेटं पिहाँ वंगु खः । विप्लव नेतृत्वया निम्ह नेता बेपत्ता जुइधुंकाः प्रहरीं मालेगु ज्याय् सक्रियता क्यंगु खः ।

इमित लुइके मफुबलय् प्रहरीं अदालत दुने कोथा कोथाय् दुहाँ वनाः मालेगु ज्या  याःगु खः ।

जिल्ला बारया नायः डोमन साह नं प्रहरीया थ्व पलाःयात स्वतन्त्र न्यायालययात हस्तक्षेप याःगु धासें विरोध प्वंकूगु दु ।

Categorized in राजनीति