kmc bidya

प्रहरीया भेषय् एम्बुलेन्स व खाद्यान्नया गाडी लुटपाट, स्वम्ह गिरफ्तार

नेवा: अनलाइन न्युज – ललेन्द्र शाक्य | २०७७ जेठ १, बिहिबार २०:२६:०९

लकडाउनया इलय् एम्बुलेन्स व तरकारी ज्वनावःगु गाडी पनाः लुटपाट याःगु द्वपनय् स्वम्ह गिरफ्तारीइ लाःगु दु ।

गिरफ्तारीइ लाःपिं येँया चन्द्रागिरी नगरपालिका ४ या २४ दँया सरोज कामी, ३१ दँया राम भगत व २७ दँया शिव शाही खः ।

महानगरीय प्रहरी वृत्त थानकोटया डिएसपी घनश्याम श्रेष्ठया कथं शनिवाः चान्हय् पानीघाटय् च्वंगु जंगलय् मकवानपुरपाखे वनाच्वंगु एम्बुलेन्स इमिसं जबरजस्ती पनाः लुटपाट याःगु खः ।

इमिसं प्रदेश नं. ३–०१–२३च–११०९ ल्याःया एम्बुलेन्स पनाः एम्बुलेन्स दुने च्वनावःपिं मनूतय्गु पाखें ३३ हजार ९ सय ९५ तका दां व थीथी कम्पनीया ६ गः मोबाइल लुटेयाःगु खः ।

उगु पुचलं गणेशमान मार्गय् लाःगु चित्लाङ सतक खण्डय् नं तरकारी ढुवानी याइगु बोलेरो गाडीइ नं लुटेयाःगु सीदूगु दु ।

डिएसपी श्रेष्ठया कथं बा४ख ९९० ल्याःया इचर व ग१च ७६३३ ल्याःया बोलेरो गाडीया चालकयात इमिसं सादा पोशाखया प्रहरी जूगु धासें लुटपाट याःगु खः ।

इपिंविरुद्ध चोरी व डाँका सम्बन्धी कसूर अन्तर्गत थप अनुसन्धान जुयाच्वंगु डिएसपी श्रेष्ठं जानकारी ब्यूगु दु ।

Categorized in दुर्घटना-अपराध