nepal investment baink

प्रहरीया गोलीपाखें सीम्ह जयशंकरया छेँजःयात झिगू लख तका बिइगु मन्त्रिपरिषदया निर्णय

नेवा: अनलाइन न्युज – ललेन्द्र शाक्य | ने.सं. ११४४ सिल्लागा तृतीया

प्रहरीया गोली कयाः सीम्ह सर्लाहीया जयशंकर साहया छेँजःयात झिगू लख तका दां ग्वाहालि यायेगु मन्त्रिपरिषद बैठकं निर्णय याःगु दु ।

सोमवाः च्वंगु मन्त्रिपरिषद बैठकं सर्लाहीया बरहथवा नगरपालिका ६ या सहया छेँजःयात आर्थिक सहायता कथं झिगू लख तका दां ग्वाहालि यायेगु निर्णय जूगु सरकारया प्रवक्ता लिसें संचारमन्त्री रेखा शर्मां जानकारी ब्यूगु दु ।

वंगु पुस महिनाय् बरहथवाय् प्राथमिक स्वास्थ्य चौकी स्तरोन्नतिया विषयस जूगु प्रदर्शनया झ्वलय् प्रहरीं गोली क्ययेकूबलय् साहया ज्यान वंगु खः ।

घटनाया छानविन यायेत गृहमन्त्रालयं सहसचिव थानेश्वर गौतमया संयोजकत्वय् प्रहरी नायब महानिरीक्षक सुरेन्द्र मैनाली व राष्ट्रिय अनुसन्धान विभागया अनुसन्धान निर्देशक भीमबहादुर बुढाथोकी दुजः दूगु समिति नं नीस्वंगु खः ।

Categorized in दुर्घटना-अपराध