Header Nepal rastra bank Adv

प्रशान्त महासागरय् ज्वालामुखी विस्फोट

नेवा: अनलाइन न्युज – ललेन्द्र शाक्य | २०७८ माघ २, आइतबार ११:५०:२०

प्रशान्त महासागरया दक्षिणी क्षेत्रय् ज्वालामुखी विस्फोट लिपा सुनामीया ख्याच्वः जारी याःगु दु । तटीय क्षेत्रया बासिन्दापिन्त सुरक्षित थासय् वनेत अमेरिका व जापानं आग्रह याःगु दु ।

न्हापांगुखुसि शुक्रवाः व निक्वःगुखुसि स्थानीय ई कथं शनिवाः ५ः२६ इलय् ज्वालामुखी विस्फोट जूगु सीएनएनं जानकारी ब्यूगु दु ।

लः क्वय् ज्वालामुखी विस्फोट जूगु व उगु विस्फोटया हुनिं ब्वलंगु ऊर्जाया हुनिं वःगु छालं टोंगातक क्षति याःगु बुखँ एजेन्सीपिन्सं न्ह्यथंगु दु ।

टोंगाय् विद्युत, टेलिफोन व इन्टरनेट सेवा अवरुद्ध जूगु दु । संचार सम्पर्क विच्छेद जूगुलिं क्षतिया धलः धाःसा वःगु मदुनि । अनया जुजुयात सुरक्षित थासय् यंकूगु नं बुखँ एजेनसीपिन्सं न्ह्यथंगु दु ।

जापानं तटीय क्षेत्रय् स्वंगू मिटर तजाःगु छाल वयेफूगु अनुमान यासें सतर्कताया सुचं जारी याःगु दु । अमेरिकां नं तःधंगु छाललिसें खुसिबाः नं वयेफूगु सम्भावना दूगु जानकारी ब्यूगु दु ।

Categorized in अन्तर्राष्ट्रिय