prabhu baink new

प्रम ओलीया सुझाब प्रहरीयात ः बधाई बिइगु कि समवेदना बिइगु ?

नेवा: अनलाइन न्युज – ललेन्द्र शाक्य | २०७७ भाद्र २, मंगलबार १३:४५:०६

वंगु दँ प्रहरीं असोज २४ गते प्रहरी दिवस न्यायेकूगु खः । प्रधानमन्त्री केपी शर्मा ओली उगु ज्याझ्वःया मूपाहाँ जूगु खः । ज्याझ्वःयात सम्बोधन यायेगु झ्वलय् प्रम ओलीं छगू महत्वं जाःगु खँ ल्ह्वंगु खः ।

गुगु प्रहरी अधिकारीपिन्सं खास हे च्यूताः मतःगु खः । ओलीं प्रहरी दिवस भव्य व उल्लासपूर्ण रुपं न्यायेकेमाःगुलि उलि जुइमफुगु धासें अमर प्रहरी दिवस व प्रहरी दिवस ब्यागलं ब्यागलं न्यायेकेगु व्यवस्था यायेत नं आग्रह याःगु खः । वं निगुलिं दिवस छन्हुं हे न्यायेकेबलय् बधाइ बिइगु कि समवेदना बिइगु धैगु मछिंगु स्थिति ब्वलंगु धकाः धाःगु खः ।

गुगु विषय प्रहरी दुने चर्चाया विषय जुल । थुगु दँ प्रहरीं प्रधानमन्त्री ओलीया उगु सुझावयात कार्यान्वयनय् यंकीगु जूगु दु । वंगु वाः च्वंगु प्रहरीया नीति निर्माण समितिया बैठकं अमर प्रहरी दिवस व प्रहरी दिवस ब्यागलं ब्यागलं दिनय् न्यायेकेगु निर्णय याःगु दु ।

छन्हुं हे न्यायेकेबलय् प्रहरी दिवसय् अमर प्रहरीया छेँजःया न्ह्याब्लें ख्वःसः जक तायेदइगु जुयाच्वंगु खः । लसताया रुपं न्यायेकीगु प्रहरी दिवसय् ख्वःसः थ्वइबलय् ज्याझ्वः हे खल्लो जुइगु जुयाच्वंगु खः ।

लिसें वहे पीपीसी बैठकं थ्वसिबें न्ह्यः प्रहरी महानिरीक्षकय् केन्द्रीत जूगु अधिकार एआईजीपिन्त ब्यूगु दु ।

थीथी महाशाखात ज्या व अपराध अनुसन्धान व प्रशासन लिसें मानव स्रोत विकास विभागय् ब्यूगु दु ।

मंकाः नेतृत्वय् संगठन चलेयायेगु नीति कथं प्रहरी महानिरीक्षक शैलेश थापां जिम्मेवारी विकेन्द्रीत याःगु खः ।

(दृष्टि वाःपौ पाखें)

Categorized in पत्रपत्रिका