Newa Ekata Diwas Gosthi Adv

प्रम ओलीयात निगुलिं पद त्वःतकेबिइगु तयारीइ न्याम्ह नेतापिं

नेवा: अनलाइन न्युज – ललेन्द्र शाक्य | २०७७ मङ्सिर ११, बिहिबार १५:३५:०७

सत्तारुढ दल नेपाल कम्युनिष्ट पार्टी (नेकपा) दुनेया आन्तरिक विवाद झन् हे चर्के जुइगु जूगु दु ।

थ्वहे मंसीर १३ गते सचिवालय बैठक च्वनेत्यंगु दु । कार्तिक २८ गतेया सचिवालय बैठकय् कार्यकारी नायः पुष्पकमल दाहाल प्रचण्डं राजनीतिक प्रस्ताव पेश यायेधुंकाः विवाद झन् हे अप्वःगु दु । प्रधानमन्त्री व पार्टी नायः केपी शर्मा ओलीं धाःसा प्रचण्डया प्रस्तावयात द्वपं पौया संज्ञा ब्यूगु दु । तर, आः च्वनीगु सचिवालय बैठकय् धाःसा ओलीं नं ब्यागलं प्रस्ताव पेश याइगु जूगु दु ।

ओलीविरुद्ध राजनीतिक प्रस्ताव पेश यानाः युद्धस्तरय् क्वाहाँ वःम्ह प्रचण्डलिसें बरिष्ठ नेतापिं माधवकुमार नेपाल, झलनाथ खनाल, न्वकू वामदेव गौतम व प्रवक्ता नारायणकाजी श्रेष्ठ धाःसा आक्रामक तयारीइ ब्वां जूगु दु ।

इपिं आm गुकथं न्ह्यःने वनेगु ? धैगु बारे नियमित सहलह व भेटवार्ताय् व्यस्त जूगु दु ।

बरिष्ठ नेता खनालं धाःगु दु, सचिवालयया जिपिं न्याम्ह चट्टानथें छधी जुयागु दु । सचिवालयस नायः प्रचण्डं पेश याःगु प्रतिवेदनयात कयाः सहलह जुइ । प्रतिवेदन पायछि जू । पार्टीइ पेश जुइधुंकाः कार्यकर्ताय् छ्वःबलय् आपत्ति यायेमजिल । प्रतिवेदन ला आखिरय् सहलहया नितिं हःगु खः ।

Categorized in राजनीति