zero media family planning adv

प्रम ओलीं मिडियालिसे तापाक्क च्वनेत मन्त्रीपिन्त निर्देशन

नेवा: अनलाइन न्युज – ललेन्द्र शाक्य | २०७७ बैशाख ३, बुधबार ०७:१४:५२

प्रधानमन्त्री केपी शर्मा ओलीं मन्त्रीपिन्त लाक्वपाक्व सरकारया निर्णयत पिने चुकेमयायेत कडा निर्देशन ब्यूगु दु । म्हिगः मंगलवाः च्वंगु मन्त्रिपरिषदया बैठकय् प्रधानमन्त्री ओलीं थुज्वःगु निर्देशन ब्यूगु खः । लिपांगु इलय् सरकारया निर्णयत छगू धुंकाः मेगु यानाः विवादय् लायेगु क्रम अप्वयेधुंकाः प्रधानमन्त्री ओलीं मंगलवाः मन्त्रीपिन्त थुज्वःगु निर्देशन ब्यूगु खः ।

स्वास्थ्य हलंज्वलं खरिद यायेत नेपाली सेनायात जिम्मेवारी बिइगु तयारी यानाच्वंगु इलय् उगु निर्णय जुइन्ह्यः हे मिडियाय् सुचं सम्प्रेषण जूगुलिं प्रम ओली रुष्ट जूगु खः । ओलीं मन्त्रीपिन्सं लाक्वपाक्व सुचं प्रवाह याःसा उपिं मन्त्रीपिनिगु तकं निगरानी यायेगु कडा रुपं ख्याच्वः ब्यूगु दु । सरकारया सुचं जक मखुसे पार्टीया सहलहया विषय व निर्णय नं मिडियाय् पिहाँ वंगुलिं प्रम ओली असन्तुष्ट जुयाच्वंगु दु ।

प्रम ओलीं सचिवालय बैठकया सहलहया विषय तकं मिडियाय् तुरुन्त हे पिहाँ वनीगु जुयाच्वंगुलिं असन्तुष्टी प्वंकूगु स्रोतया दाब िदु ।

निर्णय जुइन्ह्यः छुं नं खँ पिने मयंकेत प्रम ओलीं पार्टी व सरकारया मन्त्रीपिन्त निर्देशन ब्यूगु सीदूगु दु ।

Categorized in राजनीति