2565 buddha Jayanti ADV

प्रधानमन्त्री केपी ओली हाकनं मन्त्रिपरिषद् विस्तार यायेगु तयारीइ

नेवा: अनलाइन न्युज – ललेन्द्र शाक्य | २०७८ जेठ २७, बिहिबार १२:५३:५८

प्रधानमन्त्री केपी शर्मा ओलीं हाकनं मन्त्रिपरिषद विस्तारया तयारी याःगु दु । आः च्यागू मन्त्रालय थःलिसे हे तयातःम्ह प्रधानमन्त्री ओलीं थौं बिहिवाः सनिलय् मन्त्रिपरिषद विस्तारया तयारी याःगु खः ।

प्रधानमन्त्री ओलीं आः उद्योग, वाणिज्य व आपूर्तिलिसें कृषि व पशुपंक्षी विकास, रक्षा, गृह, वन व वातावरण, संघीय मामिला व सामान्य प्रशासन, संचार व सूचनाप्रविधि मन्त्रालय थःम्हं हे कःघानाः वयाच्वंगु दु ।

श्रोतया कथं प्रधानमन्त्री केपी शर्मा ओलीं ७ म्ह मन्त्री व छम्ह राज्यमन्त्रीलिसें मन्त्रिपरिषदयात पूर्णता बिइत्यंगु दु ।

स्रोतया हे कथं न्हूपिं नियुक्त जुइत्यंपिं मन्त्रीपिनिगु सपथग्रहण थौं बिहिवाः सनिलया ४ ता ई लिपा जुइगु खँ दु ।

न्हूपिं मन्त्री जुइपिं नारदमुनि राना वनमन्त्री, मोहन वानियाँ, प्रधानमन्त्री व मन्त्रिपरिषदया ज्इाकुथि, खगराज अधिकारी गृहमन्त्री, नैनकला थापा संचारमन्त्री, ज्वालाकुमारी साह कृषिमन्त्री, राजकिशोर यादव उद्योगमन्त्री, गणेश पहाडी सामान्य प्रशासनमन्त्री व आशा विक वन राज्यमन्त्री जुइगु खँ स्रोतपाखें वःगु दु ।

Categorized in राजनीति