zero media family planning adv

प्रधानमन्त्री केपी ओली अस्पताल भर्ना

नेवा: अनलाइन न्युज – ललेन्द्र शाक्य | २०७६ चैत्र १४, शुक्रबार ०९:०७:२७

प्रधानमन्त्री केपी शर्मा ओली अस्पताल भर्ना जूगु दु ।

म्हिगः बिहिवाः बहनीनिसें म्ह. मफुगु महसुस जुगुलिं प्रधानमन्त्री ओलीयात त्रिवि शिक्षण अस्पताल महाराजगञ्जय् भर्ना याःगु स्रोतं जानकारी ब्यूगु दु ।

प्रधानमन्त्रीया नुगःचुया चालय् छुं च्वय् क्वय् जूगु खनेदूगु जूसां नं आः थौं शुक्रवाः सुथय् तक स्थिति सामान्य जुइधुंकूगु स्रोतं धाःगु दु ।

निक्वःगुखुसि जलास्यँ (किड्नी) प्रत्यारोपण यायेधुंकाः आराम यायेमाःगु जूसां नं आपालं धपेडी यायेधुंकाः प्रधानमन्त्री ओलीया स्वास्थ्यय् समस्या खनेदूगु स्रोतं धाःगु दु ।

निन्हु न्ह्यः च्वंगु मन्त्रिपरिषद बैठकय् प्रधानमन्त्री ओलीं थ्यंमथ्यं प्यघौ ई उगु बैठकय् ब्यूगु खः ।

२१ फागुनय् प्रधानमन्त्री ओलीया म्हगलय् निक्वःगुखुसि जलास्यँ प्रत्यारोपण याःगु खः ।

Categorized in राजनीति