prabhu baink new

प्रधानमन्त्री ओली मन्त्रिमण्डल पुर्नगठन यायेगुलि अलमल

नेवा: अनलाइन न्युज – ललेन्द्र शाक्य | २०७७ आश्विन २, शुक्रबार ११:३४:३१

स्वस्वं स्वस्वं मोहनी लिक्क वयेधुंकल । नखःचखःया इलय् मन्त्री हिलेगु ला मज्यूगु तर्क जुइफु । थथे आःया लच्छि निला ई फुइफु । मन्त्रिमण्डल पुर्नगठनय् बालुवाटारं थथेहे अलमले यायेगु रणनीति कायेगु पलाः न्ह्यच्यूगु दु ।

थःत यःम्ह मनूया नियुक्ति यायेमाःसा प्रधानमन्त्री केपी शर्मा ओलीं चुटकीया भरय् यायेफु । निवर्तमान अर्थमन्त्री डा. युवराज खतिवडाययात आर्थिक सल्लाहकार दयेकूबलय् क्याबिनेटया आपालं मन्त्रीपिन्सं सी हे मसिल । छक्वलं मन्त्रिपरिषदया निर्णय मंगलवाः सार्वजनिक याःबलय् जक सिल सकसिनं ।

अर्थय् युवराजयात हे अघोषित जिम्मा बियाः ओलीं मेपिनिगु लँपु पनाः ब्यूगु दु । अर्थय् बामदेव गौतम, विष्णु पौडेल व सुरेन्द्र पाण्डेया दाबी दूगु खः । तर, युवराज आर्थिक सल्लाहकार नियुक्त जूगु धैगु वहे छायाँ अर्थमन्त्री जूगु खः । आः सुं पात्रयात अर्थ राज्यमन्त्री दयेकाः अर्थ मन्त्रालय युवराजपाखें हे चलेयायेगु रणनीति जुइफु ।

गृहय् रामबहादुर थापा बादल दु । बामदेवया मन्त्री  जुइगु चाहनाय् बादल व युवराज हे पंगः जुइधुंकल । उगु निगू मन्त्रालयबाहेक बामदेवया राजनीतिक उचाईयात ल्वःगु मन्त्रालय हे मदु । मखुसा सभामुख जुइधुंकूम्ह रामचन्द्र पौडेलं गिरिजाप्रसाद कोइराला प्रधानमन्त्री जूबलय् शान्तिमन्त्री जूगुथें हे जुइमाल । शहरी विकासय् मन्त्री हे मदु । संचारय् प्रदीप ज्ञवालीयात यंकीगु चर्चा दु ।

तर, प्रधानमन्त्री ओलीं मन्त्रिमण्डल पुर्नगठनय् मेगु असन्तुष्टि थप जुइगु सिइकूगु दु  । बामदेवया व्यवस्थापन अःपु मजू । वयात व्यवस्थापन याइबलय् ईश्वर पोेखरेल व बादललिसेंयापिं असन्तुष्ट जुइफु । वसिबें आःयात आलटाल यानाः मन्त्रिमण्डल पुर्नगठनया ई घ्वानाः यंकेगु रणनीति बालुवाटारया खनेदूगु दु ।

बामदेवयात सरकारय् मयंकी बलय् वयगु समस्याबारे नं ओली जानकार जू  । म्हिगः बिहिवाः बामदेवया सपथय् प्रचण्ड, माधवकुमारम नेपाल, झलनाथ खनाल व नारायणकाजी श्रेष्ठ थ्यंकूगु अर्थपूर्ण जूगु दु । 

खय्तलाा विष्णु पौडेल व सुवासचन्द्र नेम्वाङ नं थ्यंकूगु दु । तर, प्रचण्ड व माधव नेपालया उपस्थितिं छुं सन्देश ब्यूगु दु । बामदेवयात चिढेयानाः आः धाःसा ओलीया नितिं भारी जुइफइगु सन्देश खः थ्व ।

 

Categorized in राजनीति