kendriya tathyank bhibhag ad

प्रधानमन्त्री ओलीपाखें संकटकाल घोषणा यायेगुतकया तयारी

नेवा: अनलाइन न्युज – ललेन्द्र शाक्य | २०७७ फाल्गुण ११, मंगलबार १३:१८:२८

प्रधानमन्त्री केपी शर्मा ओलीं छुं नं इलय् संकटकालया सिफारिस यायेगु तयारी याःगु दु । वं देसय् ब्वलंगु लिपांगु घटनाक्रमयात दृष्टिगत यानाः संकटकाल घोषणा यायेगु तयारी याःगु दु ।

प्रतिनिधिसभा विघटनलिपा देसय् राजनीतिक अस्थिरता अप्वयाः वनाच्वंगु इलय् प्रधानमनत्री ओलीं कडा रुपं पलाः छिइत्यंगु संकेत यानाच्वंगु दु । प्रम ओलीं थौं मंगलवाः हे राष्ट्रिय सुरक्षा परिषदया बैठक सःतूगु दु ।

थौं मंगलवाः मन्त्रिपरिषदया बैठक नं सःतूगु दु । सुरक्षा परिषद् बैठक धुंकाः मन्त्रिपरिषद बैठक सःतूगुयात च्यूताःया विषय कथं काःगु दु ।

प्रतिनिधिसभा विघटनविरुछया मुद्दा सर्वोच्च अदालतं थौंनिसें ...हेर्दा हेर्दै...दुने तःगु दु । गुगु नं दिं फैसला वयेफु ।

प्रधानमन्त्री ओलीं फैसला वयेन्ह्यः सुरक्षा निकायलिसे सहलह अप्वयेकूगु दु । थुकियात संकटकाल घोषणातकया अग्रिम तयारीया रुपं काःगु दु ।

बैशाखय् निर्वाचन घोषणा याःगु व संसद पुनःस्थापना मजूसा चुनावय् वनेमालीगु जूगु दु । तर, चुनाव यायेमफुसा मेगु संकट वयेफु । उगु इलय् प्रधानमन्त्री ओलीं संकटकाल तकया घोषणा यायेफूगु चर्चा जुयाः वयाच्वंगु दु ।

Categorized in राजनीति