ad prabhu

प्रधानमन्त्री ओलीं रअ या प्रमुख नापलाःगु आपत्तिजनक ः भीम रावल

नेवा: अनलाइन न्युज – ललेन्द्र शाक्य | २०७७ कार्तिक ६, बिहिबार १५:००:०५

नेपाल कम्युनिष्ट पार्टी (नेकपा)या नेता व पूर्वमन्त्री भीम रावलं प्रधानमन्त्री केपी शर्मा ओली व भारतीय गुप्तचर संस्था रिसर्च एण्ड एनालाइसिस विंग (रअ)या प्रमुख सामन्तकुमार गोयललिसेया नापलाये ज्यायात आपत्तिजनक व कूटनीतिक मर्यादा अःखः जूगु धाःगु दु ।

प्रधानमन्त्रीया प्रेस सल्लाहकारं ओली व गोयल दथुया नापलाःगु पुष्टि यायेखतं नेता रावं ट्वीटपाखें थुकिया विरोध याःगु खः ।

नेता रावलं ट्वीटय् च्वःगु दु, नेपाःया संविधानपाखें निर्देशित परराष्ट्र नीति, स्वाधीनता व स्वाभिमान लिसें सरकारया नेतृत्व यानाच्वंगु नेकपाया विचार, नीति व घोषणाया अःखः भारतीय गुप्तचर रअ प्रमुखलिसे नेपाःया प्रधानमन्त्रीया गथे वार्ता जुल व गुज्वःगु ई व तरिकां भ्रमण यात व आपत्तिजनक जू । कूटनीतिक मर्यादा अःखः खः ।

पूर्व प्रधानमन्त्रीपिं शेरबहादुर देउवा, पुष्पकमल दाहाल प्रचण्ड व माधवकुमार नेपालं धाःसा सचिवालयपाखें गोयललिसे नापलाये ज्या मजूगु धायेधुंकूगु दु ।

Categorized in राजनीति