ad prabhu

प्रदेश ३ या सांसद शोभा शाक्ययात कोरोना पुष्टि

नेवा: अनलाइन न्युज – विजयरत्न | २०७७ मङ्सिर ५, शुक्रबार १३:४८:१०

नेपाः गालय् थौंकन्हे  कोरोनाया संक्रमण तच्वयाच्वंगु दु । कोरोना भाइरसया संक्रमणं सरेजुइगु कोभिड १९ ल्वयया हुनिं स्वनिगलय् च्वंपिं बासिन्दापिं ग्याःचिकुइ लानाच्वंगु दु ।

थ्वहे इलय् ३ नम्बर प्रदेश सांसद व साझा पार्टी केन्द्रीय दुजः शोभा शाक्ययात नं कोरोना संक्रमण पुष्टि जुउगु दु ।

सांसद शाक्यया पारिवारिक सुत्रं जानकारी बिउ कथं सांसद शाक्य मंसीर १ गते न्हूदँया दिंकुन्हु (यलय् किजापूजाया दिंकुन्हु) थः दाजुकिजापिनिगु पुजाय् व्यस्त जुयादीगु खःसा  बहनी वयकःयात भतिचा म्ह सुखमदुथें च्वनावगु जुयाच्वन।

स्वन्तिया धपेडीं जकं म्हसुखमदुगु जुइ धकाः आराम यानादीम्ह सांसद शाक्य वयां निन्हु लिपा मंसीर ३ गते अल्का अस्पतालय् वना पीसीआर परीक्षण याकादीबले पोजिटिभ रिपोर्ट पिहाँवःगु खः ।

उकिं थौंकन्हे वयकः थःगु हे छेँय् क्वारेन्टाइनय् च्वना वासः नयाच्वनादीगु दुसा वयकलं थ्व छवाः दुने थःलिसे स्वापू दुपिं सकलसित थःगु स्वास्थ्य स्थितिबारे सचेत जुइत इनाप यानादीगु दु । छुं कथं मछिंसे च्वनावःसा चिकित्सकलिसे स्वापू तयेत नं इनाप यानादीगु दु ।

Categorized in राजनीति