nepal investment baink

प्रजापति खलःया द्यःछेँया जग स्वन

नेवा: अनलाइन न्युज – विजयरत्न | २०७७ मङ्सिर ११, बिहिबार १२:१७:०२

ज्याथा पञ्चदान गुथि प्रजापति खलःया द्यःछेँ छगू ज्याझ्वःया दथुइ येँ महानगरपालिकाया मेयर बिद्यासुन्दर शाक्यं जग स्वनादीगु दु। उगु जग स्वनेगु ज्याझ्वलय् थःगु खँ तयादिसे येँ महानगरपालिकाया मेयर शाक्यं झी नेवाःत बिबिधता दुने एकता दुपिं खः धकाः धयादिल ।

झी नेवाः समुदायया तजिलजि व पहिचान ल्यंकेत झी हे न्ह्यचिलेगु कथं नेवाः समुदायया द्यः छेँ आगःछेँ नापं बिहार दयेकेगु ज्याय् महानगरपालिकां पलाः न्ह्याकाच्वनागु दु धासे मेयर शाक्यं झी पूर्खापिन्सं दयेकाः थकुगु सम्पदा संरक्षण झीसं यायेमाः धकाः धयादिल ।

ज्याझ्वः प्रजापति खलःया नायः धनबहादुर प्रजापतिया सभानायसुइ जूगु खःसा येँ महानगरपालिका वडा ल्याः २५ या नायः नीलकाजी शाक्य, कार्यपालिका सदस्य रमिता तुलाधरपिनिगु न उपस्थिति दुगु खः।

उगु द्यःछेँ ६ आना जग्गाय् करिब ५ करोडया लागतं दच्छिया दुने दयेके क्वचायेकेगु ग्वसाः ग्वयातःगु दु ।

Categorized in स्थानिय-समाज