coved ad

प्रचण्ड व नारायणकाजीयात कोरोना संक्रमण

नेवा: अनलाइन न्युज – ललेन्द्र शाक्य | २०७८ पौष २४, शनिबार ११:०४:५९

नेकपा माओवादी केन्द्रया नायः पुष्पकमल दाहाल प्रचण्ड व मेम्ह नेता नारायणकाजी श्रेष्ठयात कोरोना संक्रमण जूगु दु ।

छुं दिंनिसें असहजता जुइधुंकाः शुक्रवाः सनिलय् पीसीआर परीक्षण याःबलय् कोरोना संक्रमण पुष्टि जूगु प्रचण्डया नीजि सचिवालयं जानकारी ब्यूगु दु ।

सचिवालयया कथं कोरोना संक्रमण जूसां नं प्रचण्डया अवस्था सामान्य जूगु दु व प्रचण्डं नीजि निवासय् हे आराम यानाच्वंगु दु ।

डाक्टरपिनिगु सल्लाह कथं आइसोलेशनय् च्वनेमाःगु जूगुलिं पूर्वनिर्धारित सकता ज्याझ्वःत स्थगित यानागु सचिवालयं जानकारी ब्यूगु दु ।

थ्व दथुइ सम्पर्कय् वःपिं व्यक्तिपिन्त सतर्कता छ्यलेत तकं सचिवालयं इनाप याःगु दु ।

माओवादीया नेता नारायणकाजी श्रेष्ठयात नं कोरोना संक्रमण पुष्टि जूगु दु । थःत कोरोना संक्रमण जूगुलिं आइसोलेशनय् च्वनागु नेता श्रेष्ठं जानकारी ब्यूगु दु ।

Categorized in राजनीति