zero media family planning adv

प्याज थिके जुल, भारतं निर्यात रोक्का

नेवा: अनलाइन न्युज – ललेन्द्र शाक्य | २०७७ भाद्र ३०, मंगलबार १२:०४:०९

भारत सरकारं प्याजया निर्यात रोक्का यायेधुंकाः नेपालय् तकं प्याजया अभाव जुयावःगु दु । गनं गनं छुं छुं पसलय् दूगुु प्याज न. अतिकं थिके यानाः व्यापारी मिइगु ज्या यानाच्वंगु दु ।

भन्सार विभागया महानिर्देशक सुमन दाहालं भारतं प्याज निर्यात रोक्का याःगु जानकारी ब्यूगु खः ।

भारतं २९ भाद्रनिसें प्ययाज मवःगुलिं नेपालय् प्याज अभाव जूगु व्यापारीपिन्सं धाःगु दु । येँया कालिमातिइ च्वंगु तरकारी बजारय् आलु प्याजया होलसेल ब्यापार यानाः वयाच्वंम्ह दधिराम उप्रेतीं धाःगु दु, भारतं प्याज मवयेधुंकाः नेपालय् नं अभाव जूगु खः ।

सुंसुं व्यापारीपिंके दूगु प्याज नं थिके यानाः मिइगु ज्या जुयाच्वंगु दु । व्यापारीपिन्सं छगू किलो प्याजया मू ८० तकासिबें अप्वं दामं मिइगु ज्या जुयाच्वंगु उपभोक्तपिन्सं धाःगु दु । जबकि  न्हापांगु दिनय् प्याज ६६ तका दामं छगू किलोया मू खः ।

भारतं निर्यात रोक्का याःगु बहानाय् व्यापारीपिन्सं स्टकय् दूगु प्याजया कृत्रिम अभाव ब्वलंकाः थिके यानाः मिइगु ज्या याःगु आशंका उपभोक्तापिन्सं याःगु दु ।

भारत सरकारं प्याजया मू अतिकं थाहां वंगु धासें निर्यात बन्द याःगु खः नियाृत बन्द यायेधुंकाः बजारय् प्याज आपालं दइगु व मू नं म्हो जुइगु भारत सरकारया विश्लेषण दु ।

थ्वसिबें न्ह्यः सन् २०१९ य् नं भारत सरकारं प्याजया निर्यात बन्द याःगु खः ।

Categorized in बजाः