nepal investment baink

प्याजया भाः थिकेजुइगु अनुमान !

नेवा: अनलाइन न्युज – ललेन्द्र शाक्य | ने.सं. ११४४ चिल्लागा पारु (२०८० चैत्र १३ गते) मंगलवाः

भारत सरकारं प्याज निर्यातय् तःगु प्रतिबन्ध अनिश्चितकालया नितिं ताःहाकः याःगु दु ।

थ्वसिबें न्ह्यः भारतं मार्च ३१ तक प्याजया निर्यातय् प्रतिबन्ध तःगु खः ।

भारत सरकारं वंगु शुक्रवाः आदेश जारी यासें मेगु सुचं मवःतलेतकया नितिं प्रतिबन्ध यथावत यायेगु निर्णय याःगु भारतीय संचार माध्यमं न्ह्यथंगु दु ।

भारतय् जुइगु लोकसभा निर्वाचन न्ह्यः सरकारं स्थानीय बजारय् छुं समस्या वयेके मबिइत प्रतिबन्ध यथावत तःगु विश्लेषण याःगु दु ।

नेपाल लिसें बंगलादेश, मलेसिया व युएई थें जाःगु राष्ट्रय् प्याज आपूर्तिया आवश्यकता पूवंकेत भारतपाखें आयातय् निर्भर जूगु दु ।

भारतया थ्व पलाखं आमनिर्वाचन न्ह्यः नेपाली बजारय् प्याजया भाः थाहाँ वनेफूगु अनुमान याःगु दु । आः कालिमाति तरकारी बजारय् भारतीय प्याजया मू ७० तका प्रतिकिलो कायम जूगु दु ।

Categorized in बजाः