Header Nepal rastra bank Adv

पेट्रोलियम पदार्थया भाः थाहाँ वनेवं सतकय् सवारीसाधन म्हो खनेदत

नेवा: अनलाइन न्युज – ललेन्द्र शाक्य | २०७९ आषाढ ८, बुधबार १३:२२:४०

पेट्रोलियम पदार्थया भाः तच्वकं थाहाँ वनेवं अजूचायापूगु कथं येँया सतकय् सवारीसाधन छुं भच्चा म्हो खनेदूगु दु ।

न्हापालिपा येँया सतकय् सवारीसाधन अस्तव्यस्त कथं खनेदयाच्वंगु खःसा पेट्रोलियम पदार्थया भाः थाहाँ वनेवं थथे अस्तव्यस्त म्हो जूगु दु ।

सवारीधनीपिन्सं अत्यावश्यक ज्या बाहेक मेता ज्याया नितिं सवारीसाधन ज्वनाः मजूगु खनेदूगु दु ।

विशेषयानाः, नीजि गाडीया चाप म्हो जूगु दु । न्हापालिपा दक्षिणकालीनिसें येँय् तक थःगु हे सवारीसाधन ज्वनाः वइपिं मनूत आः सार्वजनिक सवारीसाधनय् च्वनाः वयेगु यानाहःगु खनेदूगु दु ।

सामान्य नीजि गाडीइ येँपाखें दक्षिणकालीतक वयेवनेगु नितिं ३६ किलोमिटर दुसा थथे ३६ किलोमिटर यात्रा यायेगु नितिं थ्यंमथ्यं ४ लिटर पेट्रोल माःसा आःया भावं थ्यंमथ्यं च्यासः तका दां खर्च जुइगु खनेदु ।

Categorized in बजाः