kmc bidya

पेजथ्री कभर म्ये कासाय् धुलिखेलया राजिव श्रेष्ठ त्यात

नेवा: अनलाइन न्युज | २०७७ बैशाख २५, बिहिबार २०:०१:३६

कोरोना संक्रमणपाखें सुरक्षित जुया च्वनेगु निंतिं जारी जुउगु लकडाउन यात सिर्जनात्मकताय् छ्यले कथ पेजथ्री बाःछिपौया ग्वसालय् जनकवि दुर्गालाल श्रेष्ठया  च्वसा, जुगल डंगोलया संगीत व संगीत संयोजनय् रत्नशोभा महर्जनं हालादीगु छंगु छन्त हे म्येचाःया नेपालभासाया म्ये कं नं स्वां जुइ या कभर कासा या लिच्वः पिदंगु दुसाः उगु कासाय् ब्वतिकाःपिं ३४म्ह मध्ये उत्कृष्ट म्येहालािम कथं धुलिखेलया राजिव श्रेष्ठ त्याःगु दु । सिरपा त्यामुम्हेसियागु छपु कभर म्येया रेकर्डिङ आर्टोम्युज स्टुडियो पाखें याना बिइगु जुउगु दु ।

थुगु कासाया तालिका कथं नेसं ११४० चौलागा अष्टमी निसें बछलाथ्व दुतिया ९२०७७, बैशाख ३ निसें १३० तक्क म्ये दुथ्याकेगु, बछलाथ्व चतुर्दशीया ५ बजेतक्क लाइक व भ्यूज ल्याःखायेगु लिसें बछलाथ्व पुन्हिं कुन्हु त्याकामिया नां घोषणा याःगु खः।

थुगु कासाय् ईलोहं प्रकाशनया युट्युबय् पेजय् बछलाथ्व चतुर्दशीया ५ बजे तक्कया दुने मय्जु मीनर्वादेवी शाक्य बज्राचार्य या ६,०८१ भ्यूज कथं दकलय् आपाः भ्यूज वःगु खः । भाजु दिनेश राज वज्राचार्यया ३५० लाइकस् वया दकलय् आपाः लाइक्स वःगु दुसाः वयकपिं निम्हेसित सुनचाँदी बिक्रेता असंपाखें १५ग्रामया वहया पायँम्व छम्व छम्व सिरपा कथं बिइगु ग्वसाः दुगु खँ ग्वसाखलःपाखें जानकारी बिउगु दु ।

थुगु कासाय् मुक्कं ३४म्हेस्यां ब्वतिकाःगु व ११म्हेस्यां अप्रतियोगी कथं ब्वतिकाःगु खः । लकडाउन क्वचायेधुंकाः औपचारिक ज्याझ्वः याना त्याःपिन्त क्वछिनातःगु सिरपाः लः ल्हायेगु, ज्याझ्वः जुइगु खँ थुगु कासाया संयोजक दर्शनवीर शाक्यं नेवाः अनलाइन न्युज यात जानकारी ब्यूगु दु ।

Categorized in कला