nepal investment baink

पूर्व रक्षामन्त्री प्रधानया जहान गाडी दुर्घटनाय् लात

नेवा: अनलाइन न्युज – ललेन्द्र शाक्य | नेपाल संवत ११४४ दिल्लाथ्व चतुर्थी (२०८१ असार २६ गते) बुधवाः

पूर्व रक्षामन्त्री लिसें नेपाली कांग्रेसया नेता भिमसेनदास प्रधानया जहान विद्या वनमाली गाडी दुर्घटनाय् लाःगु दु ।

वंगु मंगलवाः त्रिभुवन विमानस्थलय् थः म्ह्याय् विदेशय् वनेत्यंगु इलय् म्ह्याय् त्वःताः गाडी पार्किङ यायेगु नितिं विमानस्थलया पार्किङ यायेगु लँय् थथे दुर्घटना जूगु खः ।

इलेक्ट्रिक गाडी चलेयानाः वःम्ह प्रधानया जहान न्ह्यःने दिकातःगु छगः मारुती गाडीइ ठक्कर नःगु खःसा वया लिपा गाडी नियन्त्रण यायेगु झ्वलय् अप्पा द्वँय् गाडी न्याःगु खः ।

पूर्व रक्षामन्त्री प्रधानं नेवाः अनलाइनन्यूजयात बियादीगु जानकारी कथं थः जहानया वासः येँया नर्भिक अस्पतालया आइसीयू कक्षय् जुयाच्वंगु दुसा वय्कःया उसाँय् बांलानावःगु खँ धाःगु दु ।

गाडी दुर्घटना जुयाः छाती व तुतिया क्वँय्त्वःधूगु दुसा नर्भिकय् वासः यायेधुंकाः आवश्यक जुल धाःसा विदेशय् यंकेगु तयारी नं याःगु दु ।

Categorized in दुर्घटना-अपराध