ad prabhu

पुलांम्ह वडाध्यक्ष सुभानकुमार श्रेष्ठया जहान मन्त

नेवा: अनलाइन न्युज – ललेन्द्र शाक्य | २०७७ मङ्सिर ४, बिहिबार ११:५४:३०

येँ महानगरपालिकाया पुलांगु वडा २८ या पुलांम्ह वडाध्यक्ष सुभानकुमार श्रेष्ठया जहान संगीता श्रेष्ठ थौं बिहिवाः सुथय् आकाझाकां मन्त ।

छुं दिं न्ह्यःनिसें ब्रेन ह्युमर जुयाच्वंगु हुनिं कलंकीया नेशनल अस्पतालय् वास जुयाच्वंगु खःसा उसाँय् क्वलाःगुलिं छुं दिं न्ह्यः जक छेँय् हजयाः वासः याकातःगु खः ।

मदुम्ह संगीत श्रेष्ठया छेँजःपिनिगु जानकारी कथं म्हीग किजापूजाया दि) मंगलवाः हाकनं तसकं म्हं मफयेवं नेशनल अस्पतालय् भर्ना याःगु खःसा थौं बिहिवाः सुथय् मदुगु खः ।

मदुम्ह श्रेष्ठया थौं बिहिवाः हे न्हिनय् पशुपति दीपय् अन्तिम दाहसंस्कार याइगु जूगु दु ।

मदुम्ह संगीता श्रेष्ठ नेपालभाषाया कार्यकर्ता खःसा वय्कः रेडक्रसया दुजः नं खः, लिसें समाजसेवी खः ।

मदुम्ह संगीता श्रेष्ठया छम्ह म्ह्याय् व जहान दी ।

Categorized in नेवाः