1142 nhoo dan adv

पुलांम्ह म्येहालामि पुष्पनारायण मानन्धरया “थौं जिं छन्त म्हगसय् खना” म्युजिक भिडियो पिदन

नेवा: अनलाइन न्युज – ललेन्द्र शाक्य | २०७८ मङ्सिर ७, मंगलबार १२:५७:२१

नेपालभाषाया न्हून्हूगु म्युजिक भिडयो पिथनेगु झ्वलय् सोमवः छपू न्हूगु नेवाः म्यूजिक भिडियो पितब्वज्या जूगु दु ।   

सोमवाः नेवाः एचडी टिभिइ छगू ज्याझ्वःया दथुइ पुलांम्ह म्येहालामि पुष्पनारायण मानन्धरं हाला तःगु “थौं जिं छन्त म्हगसय् खना” बोलया म्येया म्युजिक भिडियो पितब्वज्या जूगु खः ।

म्येहालामि पुष्पनारायण मानन्धरं न्येयदँ न्ह्यः च्वयाः वय्कलं हे लसय् हनादीगु  थ्व म्ये न्येयदं न्ह्यः हे पिदने धुंकुगु म्ये खःसा आः वया न्हू कथं रेकर्ड जूगु खः ।

म्येया म्युजिक भिडियो पितब्वज्याय् येँया वडा ल्याः १३ वडाया नायः ध्रुव मानन्धर मूपाहाँ कथं झायादीगु खःसा नेपालभाषाया न्हापांम्ह म्युजिक भिडियो निर्देशक विजयरत्न असंबरे व नेवाः टिभी एचडीया नायः नविन जोशी विशेष पाहाँ कथं झायादीगु  खः ।

ज्याझ्वलय् मूपाहाँ व विशेष पाहाँपिं जानाः मंकाः कथं म्युजिक भिडियो पितब्वज्या जूगु खः ।

सुरेन्द्र मानन्धरं निर्देशन यानादीगु थुगु म्युजिक भिडियो आयुष महर्जनं छायाँकन यानादीगु खःसा इन्द्र मानन्धरं सम्पादन यानादीगु खः ।

भूपालमान सिंहं संगीत संयोजन यानादीगु थुगु म्ये किरण जोशी, सुजना बज्राचार्य, पुष्पनारायण मानन्धर, राधिका मानन्धर , विमला मानन्धर व ध्रुव कपाली पिन्सं अभिनय यानातःगु दु ।

म्येहालामि पुष्पनारायण मानन्धर व राधिका मानन्धरया मतिना जुउबलेया बाखं क्यनातःगु थ्व म्ये वयकःपिनिगु इहिपाया न्येयदँ क्यंगु लसता हनेकथं पितब्वज्या जुउगु खः ।

Categorized in कला