nepal life 2076 3 18

पीएसजीपाखें मेस्सीं ७० मिलियन युरो पारिश्रमिक काइगु

नेवा: अनलाइन न्युज – ललेन्द्र शाक्य | २०७८ श्रावण २८, बिहिबार १४:४४:३३

विश्व फुटबलय् सुपरस्टारया रुपं म्हस्यूम्ह अर्जेन्टिनी फुटबल कासामि लियोनल मेस्सीं थ्व सिजनलय् न्हूगु क्लब व न्हूगु जर्सीइ खनेदइगु जूगु दु ।

थःगु अमूल्य ई बार्सिलोनाय् ई बियाः फुक्क तःधंगु कासा उगु क्लबया जर्सीइ त्याकूम्ह मेस्सीया आःया यात्रा पीएसजीलिसे स्वाःगु दु ।

मेस्सी मंगलवाः पेरिस थ्यंकेगु इलय् द्वलंद्वः शुभचिन्तकपिन्सं लसकुस याःगु खः । मेस्सीं पीएसजीलिसे निदँया नितिं सम्झौताय् ल्हाःचिं तःगु दु । सम्झौता कथं मेस्सीं प्रत्येक दँ ३५ मिलियन युरो बराबरया पारिश्रमिक कायेखनीगु जूगु दु ।

मेस्सीं बार्सिलोनाया नितिं झिक्वःतक स्पेनी लिग उपाधि व प्यक्वःतक युरोपेली च्याम्सिपयन्स उपाधि त्याकूगु खः । वं बार्सिलोनाया नितिं आःतकया हे सर्वाधिक ६७२ गोल याःगु खः ।

मेस्सी १३ दँया उमेरय् सन् २००० स बार्सिलोनाया चर्चित ला मासिया एकेडेमिइ दुथ्याःगु खः ।

Categorized in कासा