1142 nhoo dan adv

पासायात विश्वास याये

२०७२ भाद्र ९, बुधबार ०८:४७:५८

सुं नं मनूया सम्बन्धया आधार धइगु थवंथवय् विश्वास हे जुयाच्वनी । यदि थःपिनि दथुइ हे थवंथवय् विश्वास मदु धाःसा मेपिंसं नं थःपिन्त विश्वास याइमखु । विश्वास व बल्लागु लुखा खः गुकियात पार याना पिनेया मनुखं थःपिनिगु सम्बन्धय् भू बायेकेगु ज्या यायेफइमखु । थुलि जक मखु कि विश्वास हे व आधार खः गुकिं कि थःयात न्ह्याथेंज्याःगु स्थितिया नं सामना यायेगुलिइ ग्वाहालि याइ । थःपिनिगु सम्बन्धयात अझ क्वातुकेगु लागि थुगु विश्वास दयेकातुं तयेमाः । अमेरिकाय् रंगभेदी आन्दोलनया न्ह्यलुवाः मार्टिन लुथर किङ्या थुगु धापू लुमंकेगु तसकं पाय्छि जुइ – छिं जीवनय् छुं न छुं ख“य् ला भरोसा तये हे माः, कमसे कम वयाके गुम्ह कि थःगु लिपांगु दिनय् तकं थः नापं च्वनेत्यंगु दु ।
स्वयेगु मिखा हिइकेगु
छिं थःम्ह जीवनपासायात बांलाः तायेकादिया धाःसा थुकिं छिगु जक मखु बल्कि वयात नं बांलाः हे ताइ अले वयाके आत्मविश्वास नं अप्वयावइ । न्ह्याब्लें न्ह्याब्लें थवंथवय् मगाःमचाःया जक ल्याः तयाच्वना छुं जुइफइ मखु । थःगु दिमागया बांमलाःगु बिचाःयात छानाः बिस्कं तये फत धाःसा ल्यंदनिगु छितः तसकं उपयोगी जुइ । छिगु छगू मतिनां जाःगु बाक्यय् व शक्ति सुलाच्वंगु दइ गुगु कि द्वलंद्वः दोहलपाय् नं दइमखु । अथे जूगुलिं हीराया अंगू वा मूवंगु इलचं दोहलपा बिइमाः धइगु छुं मदु, थ्व ज्या छिगु मन्द मुस्कान या सकारात्मक टिप्पणीं नं यायेफइ । थ्व नं सत्य खः कि न्ह्याब्लें लय्तायाच्वने हे माः धइगु नं मदु, धाःसा दुःखी हे जुयाच्वनेगु नं पाय्छि मखु । पाइगु मात्र दृष्टिकोण खः, छिगु बिचाः खः । छिगु दिमागं गथे बिचाः याइ बास्तविकता नं उथें हे तायेकेगु याइ । यदि छिं थः पासायाके मात्र कमि कमजोरी खनाच्वन धाःसा छन्हु व धाथें हे अथे हे खनेदयावइ । थुकिया लिच्वः छिगु ब्यवहारय् नं वयेगु याइ । अथे जूगुलिं हे धाइगु खः कि बांलाःगु बिचाः यात धाःसा बांलाःगु हे दृष्टिकोणया निर्माण जुइ । थ्व हे ला खः नि ‘स्वांया मिखाय् स्वां हे संसार अले कंया मिखाय् कं हे संसार’ धाःगु ।
थवंथवय् सम्मान यायेगु
दकलय् न्हापांग व आवश्यक ख“ला थःम्हं थः पासायात उत्कृष्ट तायेकेमाः । थुगु सकारात्मक बिचालं छित बांलाःगु ख“ बिचाः यायेगुलिइ ग्वाहालि जुइ । थुकिया लिसें थ्व नं बिचाः यायेमाः कि मनूया उमेर न्ह्याक्व हे जुइमा हरेक मनूया दुने वया मचासू गनं न गनं सुलाच्वंगु दयाच्वनी । उकियात हाकनं म्वाकेगु लागि जीवन पासाया ग्वाहालि मालाच्वनी । छिं सुं छम्ह वयस्कयात पूर्ण रुपं हिइके ला फइमखु तर वयात उकथं हे स्वीकार यानादिस“ । अथेनं छुं बानी छितः बांमलाः ताल धाःसा मतिनाया भाषं बुुलुहु“ बुलुहु“ उकियात हिइकेगु कुतः यानादिस“ । वं चाहे जुइगु छुं न छुं ज्या अवश्य यानाच्वनेमाः । थुगु ख“ न्ह्याब्लें बिचाः यानातयेमाः कि छिम्ह जीवन पासाया बराबर मेपिं सुं नं जुइफइमखु । वयात बिचाः याकेगु ह्वःता बिइमाः कि छिं वयात गुलि बिचाः यानाच्वनागु दु । थुगु ख“ गुब्लें ल्वःमंके मज्यू कि मतिनाया स्वा“ उब्ले जक ह्वइ गुब्ले कि छम्ह मिसा अले मिजनं थःपिनि दथुइ दइगु फुक्कं कथंया मतभेदयात स्वीकार यासें थवंथवय् सम्मान याये सकेकी ।