coved ad

पाल्पा अस्पतालया गुम्ह कर्मचारी कोरोना संक्रमित, आकस्मिक बाहेकया फुक्क सेवा बन्द

नेवा: अनलाइन न्युज – ललेन्द्र शाक्य | २०७८ पौष २१, बुधबार ११:१६:२६

पाल्पा जिल्लाया पाल्पा अस्पतालय् आकस्मिक बाहेकया फुक्क फुक्क सेवा बन्द जूगु दु । अस्पतालय् ज्या यानाच्वंपिं कर्मचारीपिन्त कोरोना भाइरसया संक्रमण जुइधुंकाः अत्यावश्यक बाहेकया सेवा बन्द जूगु खः ।

निमित्त मेडिकल सुपरिटेन्डेन्ट लिसें झिम्ह कर्मचारीया पीसीआर परीक्षण याःबलय् ९ म्हेसिके कोरोना संक्रमण खनेदूगु अस्पताल विकास समितिया नायः नेत्रप्रसाद पाण्डेयं जानकारी ब्यूगु दु ।
अस्पतालं सुचं सार्वजनिक यासें सुत्केरी सेवा, ल्याब, सुरक्षित गर्भपतन व सिफारिस बाहेकया सेवा पूर्णरुपं बन्द याःगु जानकारी ब्यूगु दु ।

मेसुलिसें खुम्ह मेडिकल अधिकृत, छम्ह डेन्टल सर्जन, छम्ह पारामेडिकस व छम्ह ल्याब टेक्निसियन कोरोना संक्रमित जूगु पुष्टि याःगु खः । इपिं फुक्क आइसोलेशन च्वनेमाःगुलिं सेवा बन्द यानागु पाण्डेयं धाःगु दु ।

जिल्लाय् लिपांगु इलय् कोरोना संक्रमण अप्वयाः वयाच्वंगु दु ।

Categorized in स्थानिय-समाज