Header Nepal rastra bank Adv

पाकिस्तानय् ७० प्रतिशतत मिसापिन्त कार्यक्षेत्रय् दुर्व्यवहार जुइगु रिपोर्ट सार्वजनिक

नेवा: अनलाइन न्युज – ललेन्द्र शाक्य | २०७९ जेठ २०, शुक्रबार १४:०१:५९

पाकिस्तानय् कार्यक्षेत्रय् ७० प्रतिशत मिसापिन्त दुर्व्यवहारया घटना जुइगु जुयाच्वंगु तथ्यांक सार्वजनिक जूगु दु ।

डेली टाइम्स पत्रिकां रिबन पाकिस्तान नांया संस्थां याःगु अध्ययनं तयार याःगु रिपोर्ट सार्वजनिक यासें दुर्व्यवहारबारे न्ह्यथंगु खः ।

आः नकतिनि जक छगू दुर्व्यवहारया घटना खुलस्त जूगु दु, गुकी इटलीया निर्ति पूर्व पाकिस्तानी राजदूत नदिम रिजा हे मुछेजूगु दु । रियाजं छम्ह व्यापार अधिकृतयात दुर्व्यवहार याःगु द्वपं फयेमाःगु दु । पाकिस्तानी पत्रिका डेली टाइम्सं दुर्व्यवहारबारे न्ह्यथंगु दु ।

रिपोर्टय् न्हिथं ७० प्रतिशत मिसापिन्नत कार्यक्षेत्रय् दुर्व्यवहार जुयाच्वंगु न्ह्यथंगु दु । गुलिखे मिसापिन्सं दुर्व्यवहारया हुनिं ज्या हे त्वःतेगु यानाच्वंगु जानकारी ब्यूगु दु । गुलिंसिनं दुर्व्यवहाहर सहयानाः जूसां नं रोजीरोटीया नितिं ज्या यानाच्वंगु दु । गुलिं मिसापिन्सं जागिर हे हिलीगु यानाच्वंगु दु ।

रिबन पाकिस्ताानं २००४ निसें २०१६ दथुइ पाकिस्तानय् ४ हजार ७३४ म्ह यौनजन्य हिंसा जूगु तथ्यांक न्ह्यथंगु दु । पाकिस्तानय्् अप्वयाः वयाच्वंगु सख्याय् मिसापिं छेँ पिनने नं कामकाजी जुइगु यानाहःगु तर दुर्व्यवहारया सामना यानाः वयाच्वंगु जानकारी ब्यूगु दु ।

Categorized in अन्तर्राष्ट्रिय