nepal investment baink

पाकिस्तानया राष्ट्रपतिइ आसिफ अली जरदारी निर्वाचित

नेवा: अनलाइन न्युज | ने.सं. ११४४ सिल्लागा अमाई (२०८० फागुन २७)

पाकिस्तानया राष्ट्रपतिइ आसिफ अली जरदारी निर्वाचित जूगु दु ।

जरदारीं थौं आइतवाः न्हिनय् प्यता इलय् निक्वःगु कार्यकालया सपथ नइगु ज्याझ्वः तयातःगु दु ।

पाकिस्तानया प्रधानन्यायाधीश काजी फैज इसां आसिफयात सपथ नकीगु जूगु दु ।

६८ दँया जरदारी पाकिस्तान पिपुल्स पार्टीया सहअध्यक्ष खः । जरदारी थ्वसिबें न्ह्यः सन २००८ निसें सन् २०१३ तक राष्ट्रपति जूगु खः ।

थ्वहे वाः प्रधानमन्त्री जूगु शहबाज शरीफं निक्वःगुखुसि राष्ट्रपति जूम्ह आसिफ अली जरदारीयात बधाई ब्यूगु दु । वया कथं राष्ट्रपतिइ जरदारी ल्यःगु लोकतान्त्रिक मूल्य मान्यताया निरन्तरता खः ।

पाकिस्तानया निर्वाचन आयोगया कथं राष्ट्रपतिया निर्वाचनय् ४११ भोट हयाः जरदारी निर्वाचित जूगु खः ।

जरदारीया प्रतिद्वन्द्वी महमुद खान अचकजई नं १८१ भोट काःगु खः ।

शनिवाःया राष्ट्रपति निर्वाचनय् विधानसभा व सिनेटया १ हजार ४४ दुजःपिन्सं भोट कुर्कुगु खः ।

Categorized in अन्तर्राष्ट्रिय