nepal investment baink

पाकिस्तानया न्हूम्ह प्रधानमन्त्रीइ शहबाज सरिफ

नेवा: अनलाइन न्युज – ललेन्द्र शाक्य | ने.सं. ११४४ सिल्लागा नवमी (२०८० फागुन २१ गते)

पाकिस्तानी राजनीतिइ गठबन्धन सरकारया नेतृत्व यासें पूर्वप्रधानमन्त्री शहबाज सरिफ पाकिस्तानया राष्ट्रियसभा (नेशनल एसेम्ब्ली)पाखें निक्वःगु कार्यकालया नितिं प्रधानमन्त्री निर्वाचित जूगु दु ।

पाकिस्तानया जेलय् च्वंम्ह विपक्षी नेता इमरान खानया अनुयायीपिन्त सरकारय् वनेमबिइकेत गठबन्धनयात सुथां लाःगु दु ।

पाकिस्तानया नेशनल एसेम्ब्लीइ न्हूम्ह निर्वाचित २०१ म्ह सांसदं सरिफया पक्षय् मतदान याःगु खःसा पूर्व प्रधानमन्त्री खानप्रति वफादार सांसदपिनिगु उम्मेदवारया रुपं प्रधानमन्त्रीया नेतृत्वया दाबी याःम्ह ओमार अयूब खानं ९२ मत काःगु खः ।

निर्वाचनया लिच्वः घोषणा यासें नेशनल एसेम्ब्लीया न्हूम्ह नियुक्त सभामुख सरदार अयाज सादिकं धाःगु दु, ‘शहबाज सरिफ इस्लामिक गणतन्त्र पाकिस्तानया प्रधानमन्त्रीइ निर्वाचित जूगु दु ।’

Categorized in अन्तर्राष्ट्रिय