zero media family planning adv

पशुपतिइ लुँया जलहरी तयेगु निर्णयविरुद्ध सर्वोच्चय् रिट

नेवा: अनलाइन न्युज – ललेन्द्र शाक्य | २०७७ फाल्गुण ११, मंगलबार ११:३०:०७

पशुपतिनाथ देगलय् लुँया जलहरी तयेगु प्रधानमन्त्री केपी शर्मा ओली सरकारया निर्णयविरुद्ध सर्वोच्च अदालतय् ब्यागलं ब्यागलं निगू रिट निवेदन दर्ता जूगु दु ।

३ नम्बर प्रदेशसभा दुजः नरोत्तम वैद्य व अधिवक्ता निकिता ढुंगानां प्रधानमन्त्री व मन्त्रिपरिषदया ज्याकुथि, संस्कृति पर्यटन व नागरिक उड्डयन मन्त्रालय, पशुपति क्षेत्र विकास कोष व कोषया संचालक परिषद् व गुथि संस्थान केन्द्रीय ज्याकुथियात विपक्षी दयेकाः उगु रिट निवेदन दायर याःगु खः ।

नेपाःया संविधान, कानूनया मर्म व भावना अःखः सरकारं लुँया जलहरी तयेगु ज्या याःगु व अनन्तः कालनिसें पलिस्था जुयाच्वंगु व्यवस्था व परम्परा स्यंकेगु ज्या याःगु रिटय् न्ह्यथनातःगु दु ।

नेपाःया संविधान अःखः ज्या तत्काल प्रतिषेध यानाः निर्णय बदर यायेत माग यानातःगु दु । मन्त्रिपरिषदया बैठकं पशुपतिनाथ देगलय् लुँया जलहरी तयेगु निर्णय याःगु खः ।

Categorized in राजनीति