नेवा: अनलाइन न्युज – ललेन्द्र शाक्य | २०८० भाद्र १९, मंगलबार १५:०३:१३

नेपालभाषा व खस नेपाली भाषा संकिपा ख्यःया बरिष्ठ निर्देशक, कलाकार लिसें च्वमि पवन जोशीया च्वसाय् व निर्देशनय् नेपालभाषाया न्हूगु म्ये ‘मोहनी मन्त्र’ म्यूजिक भिडियो पिदनीगु जूगु दु ।

थुगु म्येया सुटिङ ज्याझ्वः सोमवाः यलया थसि (सिद्धिपुर)या थीथी सांस्कृतिक लागाय् क्वचाःगु खः ।

‘मोहनी मन्त्र’ म्येयात नांजाःम्ह संगीतकःमि अनिल तुलाधरं लसय् हनादीगु दुसा तुलाधरं हे संगीत संयोजन यानादीगु दु। अथेहे, थुगु म्ये न्हूम्ह म्येहालामि एलन शाहीं सः बियादीगु दुसा मिक्सिङ व माष्टरिङ विजय मास्कीं यानादीगु दु ।

‘मोहनी मन्त्र’ म्येया म्यूजिक भिडियो सम्पदा संरक्षण संस्था सानो पाईलां निर्माण याःगु दु।

थुगुम्येया म्यूजिक भिडियो दर्जनौं कलाकारपिन्सं अभिनय यानातःगु दुसा इन्दु ज्यापुनी व प्रविण अमात्यं थुगु म्यूजिक भिडियोय् मू भूमिका म्हितादीगु दु ।

म्यूजिक भिडियो निर्माणया नितिं प्राविधिकपाखें प्रकाश निराजन कार्की, समाः व कोरियोग्राफी मीरा डंगोल, असिस्टेन्ट क्यामेरा पर्सन अमृत चौहान, क्यामेरा पर्सन निर्जन महत, सम्पादन सुरज भोछिभोय व निर्देशन पवन जोशीं यानादीगु दु ।

‘मोहनी मन्त्र’ म्येया म्यूजिक भिडियो थुगु हे वाः दुने यूट्युब च्यानलपाखें सार्वजनिक जुइगु जानकारी म्यूजिक भिडियो निर्माण संस्था सानो पाईलाया मूछ्याञ्जे सुदर्शन महर्जनं जानकारी बियादीगु दुसा थुगु म्ये संसार्स अनलाइन टिभीया अफिसियल यूट्युब च्यानलपाखें पिदनीगु जूगु दु ।

Categorized in कला