nepal investment baink

पवन जोशीया च्वसाय् “म्ह्याय् मखु काय् जुया...” म्ये पिदनीगु

नेवा: अनलाइन न्युज – ललेन्द्र शाक्य | ने.सं. ११४४ सिल्लागा चौथी (२०८० चैत्र १ गते)

बरिष्ठ कलाकार, निर्देशक लिसें म्येच्वमि पवन जोशीया च्वसां पिज्वःगु “म्ह्याय् मखु काय् जुया...” बोलया नेपालभाषाया न्हूगु ज्वःम्ये पिदनीगु जूगु दु ।

वंगु आइतवाः येँया प्रदर्शनी मार्गय् च्वंगु वियय मास्कीया अन्नपूर्ण स्टुडियोस उगु म्ये रिकर्ड जूगु खः ।

“म्ह्याय् मखु काय् जुया...” म्येनापं यानाः  पवन जोशीया च्वसां पिज्वःगु म्ये ९० पु थ्यंगु दु ।

“म्ह्याय् मखु काय् जुया...” म्येयात नांजाःम्ह संगीतकःमि अनिल तुलाधरं संगीत संयोजन यानादीगु दुसा मिक्सिङ व माष्टरिङ विजय मास्कीं यानादीगु दु ।

“म्ह्याय् मखु काय् जुया...” म्ये एलन शाही व समा डंगोलं हालादीगु दु ।

छगू धुंकाः मेगु थीथी रस व मिठासय् म्ये च्वसें चीहाकःगु इलय् हे सच्छिपु म्ये रेकर्ड यायेगु आज्जु ज्वनाः न्ह्यःने वनाच्वनादीम्ह म्येच्वमि पवन जोशीं माया मतिना, दुःख वेदना लिसें देसभक्तिया म्ये दुने सामाजिक सन्देश प्रवाह याइगु म्येग्वःत दुथ्याकाः प्रचलित समाज दुनेया घटनाया यथार्थ चित्रण न्ह्यब्वेत  ताःलाःगु दुसा म्येच्वमि जोशीं थुज्वःगु चित्रण हे म्येच्वमिया कर्म खः धकाः धयादीगु दु।

“म्ह्याय् मखु काय् जुया...”  म्येया म्येहालामिपिं एलन शाही व समा डंगोलं म्ये रिकर्ड ज्या क्वचायेधुंकाः धयादीगु दु, “छगू पृथक धारया सन्देशमूलक म्ये हालेदयाः जिमिगु नुगः दुने अतिकं लसता पिज्वःगु दु । थ्व म्येयात अर्थपूर्ण भावनात्मक अभिव्यक्त लिसें याकनं हे म्यूजिक भिडियो निर्माण यानाः सामाजिक संजाल यूट्युब च्यानलपाखें स्वकुमिपिनिगु न्ह्यःने याकनं हे प्रदर्शनय् हयेगु तयारी यानागु दु ।”

Categorized in कला