coved ad

पद्मरत्नयात लुमंकाः न्हूदँ समारोह समितिं माल्यार्पण ज्याझ्वः याइगु

नेवा: अनलाइन न्युज – ललेन्द्र शाक्य | २०७८ कार्तिक १२, शुक्रबार १३:४१:४७

नेपाल संवत आन्दोलनया प्रणेता पद्मरत्न तुलाधर मदुगु स्वक्वःगु पूण्यतिथिइ न्हूदँ समारोह समिति ११४२ पाखें वय्कलं नेपाल संवत आन्दोलनया नितिं यानादीगु योगदानयात लुमंकाः येँया शंखधर पार्कय् येँ महानगरपालिकां पलिस्था यानातःगु झ्वाताय् माल्यार्पण ज्याझ्वः याइगु जूगु दु ।

समारोह समिति ११४२ या थौं शुक्रवाः सुथय् च्वंगु मुँज्यां थथे तुलाधरयात लुमंकेगु ज्याझ्वः यायेत्यंगु खः ।

समारोह समितिं ब्यूगु जानकारी कथं ने.सं. ११४२ कछलाथ्व द्वादसी (कार्तिक १६ गते) मंगलवाः सुथय् ७ ता इलय् समारोह समितिया सकल दुजःपिं व तुलाधरप्रति आस्था दुपिं व्यक्तित्वपिं मुनाः वय्कःया झ्वाताय् माल्यार्पण यायेगु ज्याझ्वः तयातःगु खः ।

समारोह समितिं नेपाल संवत आन्दोलनया प्रणेता तुलाधर मदुगु दँय् न्हूदँया सकतां ज्याझ्वः स्थगित याःगु खःसा वयां लिपाया दँनिसें शंखधर दिवसया दिं लाकाः वय्कःया लुमन्तिइ ज्याझ्वः यानाः वयाच्वंगु खः ।

वंगु दँ ११४० या शंखधर दिवसया दिं पद्मरत्न तुलाधरया विचाः गोष्ठी याःगु खः । अथेहे, राष्ट्रिय सभागृहय् च्वसापासां पिथंगु व सुरेश किरण मानन्धरं च्वयादीगु ‘पद्मरत्न तुलाधर’ सफू उलेज्या ज्याझ्वः नं याःगु खः ।

Categorized in नेवाः