coved ad

पद्मरत्नयात लुमंकाः न्हूदँ समारोह समितिं ज्याझ्वः याइगु

नेवा: अनलाइन न्युज – ललेन्द्र शाक्य | २०७८ कार्तिक १५, सोमबार १३:१५:२४

नेपाल संवत न्हूदँ राष्ट्रिय समारोह समिति ११४२ या ग्वसालय् मदुम्ह पद्मरत्न तुलाधरयात लुमंकाः थीथी ज्याझ्वः याइगु जूगु दु ।

थ्वहे झ्वलय् समारोह समितिं नेवाः न्ह्यलुवाः, नेपाल संवत आन्दोलनया प्रणेता लिसें मानवअधिकारीवादी नेता पद्मरत्न तुलाधरया स्वक्वःगु पुण्यतिथिस माल्यार्पण व श्रद्धाभाव देछायेगु ज्याझ्वःया ग्वसाः ग्वःगु दु ।

मदुम्ह तुलाधरया स्वक्वःगु पुण्यतिथिस ने.सं. ११४१ कौलागा द्वादसी (कार्तिक १६ गते) मंगलवाः सुथसिया ७ः३० ता इलय् येँया शंखधर पार्कय् पलिस्था यानातःगु पद्मरत्न तुलाधरया झ्वाताय् माल्यार्पण व श्रद्धाभाव देछायेगु ज्याझ्वःया ग्वसाः ग्वयातःगु दु ।

नेपाल संवत न्हूदँ राष्ट्रिय समारोह समिति ११४२ पाखें उगु ज्याझ्वलय् सहभागिताया नितिं सकलसित इनाप याःगु दु ।

Categorized in नेवाः