1142 nhoo dan adv

पत्ति बिस्युं वनीगु ऐप नं वल

२०७२ भाद्र १०, बिहिबार ११:१६:२२

झीसं लामखुट्टेयात चलः धाइ, पत्ति धाइ । छिसं गबले सोचे यानादीगु जुइमखु कि मोबाइलय् पत्ति बिस्के छ्वयेगु ऐप नं वइ धकाः । तर आः मोबाइलय् पत्ति बिस्के छ्वयेगु ऐप नं वल । गज्जब का ।
दैनिक भास्करय् पिदंगु छगू बुखँया कथं हेर्टजैर नामं आः छगू उज्वःगु मोबाइल ऐप वःगु दु कि गुगु ऐपं पत्तियात बिस्के छ्वयेगुलि छितः ग्वाहालि याइ । थुगु मोबाइल ऐपं हाई फ्रीक्वेन्सीया सःया आधारय् ज्या याइ । थुगु ऐप दूगु छिगु स्मार्टफोनं छगू उज्वःगु सः पिहाँ वइ । गुगु सः मनूतसें ताये दइमखु तर उगु सलं पत्तियात हैरान हे याइ, अले पत्ति छिपाखें तापाक्क बिस्युं वनी । उगु हाई फ्रीक्वेन्सीया सःया हुनिं पत्ति छिगु जःखः तकं च्वने छाली मखु । पत्तित बिस्के छ्वयेत सः गुलि तःसः यायेगु धैगु नं उगु ऐपय् सेट याये ज्यू ।
थुुगु खबरया कथं थुगु ऐपं खिचा, भौचात नं छिपाखें तापाक्क तयाबी । थुगु ऐपय् खिचा व भौचात छिपाखें तापाकेगु साउण्ड नं दु । अथे धैगु खिचा व भौचायात हैरान याइगु साउण्ड नं दु थुगु ऐपय् ।