Header Nepal rastra bank Adv

पंजाबी म्येहालामि सिद्धुया हत्या लिपा स्थिति तनाव, थौं पोेष्टमार्टम याइगु

नेवा: अनलाइन न्युज – ललेन्द्र शाक्य | २०७९ जेठ १६, सोमबार ११:२९:२४

नांजाःम्ह पंजाबी म्येहालामि सिद्धु मुसेवालाया सीम्ह थौं सोमवाः पोष्टमार्टम याइगु जूगु दु । पोष्टमार्टमया नितिं छेँजःया सहमति पियाच्वंगु खः । उकिया नितिं मानसाय् कडा सुरक्षा व्यवस्था याःगु दु ।

मुसेवालाया आइतवाः सनिलया ५ः३० ता इलय् गोली क्ययेकाः हत्या जूगु खः । थ्वहे झ्वलय् लरेन्स ग्याङं थ्व नरसंहारया जिम्मेवारी काःगु दुु । वधुंकाः ग्याङस्टार दविन्दर बम्बिहा पुचः नं चर्चाय् वःगु दु । बम्बिहा पुचलं थुकिया बदला कायेगु धम्की ब्यूगु दु । गुकिया हुनिं पंजाबय् ‘ग्याङफाइट’या सम्भावना अप्वःगु दु ।

लरेन्स ग्याङ व वया पासा क्यानेडियन ग्याङस्टार गोल्डी ब्रारं मोहालीइ हत्या जूम्ह विक्की मिडुखेडाया हत्याया बदला काःगु दु । थ्वहे झ्वलय् गुण्डा नाइके दविन्दर बम्बिहा गिरोह नं पिहाँ वःगु दु । वं मुसेवाला थःपिंलिसें सम्बन्धित मजूगु धाःगु दु । तर नं वया नां जिपिंलिसे स्वाःगु दु । उकिं वं थुकिया बदला काइ ।

थ्व धम्कीयात ध्यानय् तसें पंजाबया जेलय् लरेन्स गिरोहया कैदीपिन्त ब्यागलं तःगु दु । गन गन उगु गिरोहया दुजः दु, अन सुरक्षा अप्वयेकूगु दु । बम्बिहा गिरोहया दुजःपिं नं जेलय् दु । इपिं नं ब्यागलं तःगु  दु । निगू गिरोह थःथवय् ल्वायेम्वालेमा धकाः फुक्क जेलय् उच्च सतर्कता छ्यःगु दु ।

मुसेवालाया हत्याया अनुसन्धानया नितिं पंजाब प्रहरीं विशेष अनुसन्धान पुचः नीस्वंगु दु । गुकी मानसाया एसपी (अनुसन्धान) धरमवीर सिंह, डिएसपी (अनुसन्धान) भटिडा विश्वजीत सिंह व मानसाया सीआईए पृथ्वीपाल सिंह च्वंगु दु ।

डिजीपी वीके भावराया कथं मुसेवाला सनिलया ४ः३० ता इलय् छेँपाखें पिहाँ वःगु खः । वं थःम्हं हे गाडी चलेयाानाः थार वनाच्वंगु खः । वलिसे निम्ह मनूत नं दु । इमिगु ल्यूने छगः कार दूगु खः व न्ह्यःनेपाखें निगः गाडी वःगु खः । इमित गोली कःगु खः । अस्पताल थ्यंबबलय् तक वया ज्यान वनेधुंकूगु खः । घटनास्थलं स्वंगू कथंया ल्वाभःया गोला लुयावःगु दु । थ्वहे झ्वलय् ३० सिबें अप्वः मिँ च्याःगु खः ।

मुसेवालायाके पंजाब पुलिसया प्यम्ह कमाण्डोपिं दूगु खः । घल्लुघारा दिवसया हुनिं वया निम्ह कमाण्डो लिहाँ वंगु खः । वलिसे निम्ह जक कमाण्डो दूगु खः । पिहाँ वंगु इलय् वं कमाण्डोयात नापं मयंकूगु जुयाच्वन । कमाण्डोयात नापं वयेगु आवश्यक मदूगु धाःगु खः । मुसेवालायाके नीजि बुलेट प्रुफ गाडी दूगु खः, व नं ज्वनाः मवं ।

मुख्यमन्त्र िभगवन्त मानया निर्देशनय् विशेष अनुसन्धान पुचः नीस्वंगु दु । थुकिया नितिं रेन्जया आईजीयात धाःगु दु । थ्व ‘ग्याङफाइट’या मामला खः । मोहालीइ विक्की मिडदुखेडाया हत्याय् सिद्धु मुसेवालाया म्यानेजर शगनप्रीतया नां पिहाँ वःगु खः । शगनप्रीतत अष्ट्रेलियाय् दु । वया बदला कायेत लरेन्स डिरोहं थ्व हत्या याःगु खः । थुकिया जिम्मेवारी क्यानडाय् च्वनाच्वंम्ह गुण्डां काःगु दु ।

सिद्धु मुसेवाला गुण्डापिनिगु निशानाय् लानाच्वंम्ह खः । अयसां, शनिवाः पंजाब सरकारं वया सुरक्षा म्हो याःगु दु । वलिसे निम्ह बन्दुकधारी जक ल्यंदूगु खः । मुसेवाालाायात नं सुरक्षाया चिन्ता दूगु खः । थ्व विषयस वं वकिललिसे नं खँ ल्हात । थ्वबाहेक वया लिक्क लाम्ह म्येहालामि अमृत मानयात नं नापलायेत सःतूगु खः । मुसेवालां महत्वपूर्ण ज्या यायेगु खँ ल्हाःगु खः । वं सुरक्षाया विषयस खँ ल्हायेत्यंगु धाःगु दु । आः थ्व विषयस पंजाब सरकारयात न्ह्यसः ब्वलंगु दु ।

Categorized in अन्तर्राष्ट्रिय