च्वमि दुर्गालाल श्रेष्ठ

भिंतुना दु , भिंतुना

न्हू कथं न्ह्याये

न्हू जुया म्वाये

न्हू दँया न्हू भिंतुना ।। धु ।।

तुति दुसां मदु गुम्हय्सिके गति

वं लँ धुछिं कं खनिइ

छ्यं क्वछुइ कालं तकं, तर

पंक नं गुम्ह न्ह्याः वनिइ

न्ह्याः वने, न्ह्याः हे वने वा

छाय् च्वने झी लँय् दिनाः

पंक न्ह्याः वने न्ह्यइपु झन हे

न्ह्याः वने वा, भिंतुना ।। १ ।।

झी न्ह्यज्याये वा थुगु कथं आः

आज्जु थिइ बिउ पलाः पतिं

बुलुहुँ नेपाः मुसुहुँ न्हिले बिउ

झीगु हे दुनेया जतिं

ज्यान तक नं देसया धन

खः धकाः नुगलं तुनाः

देस निंतिं पायेत पासा

वा दना च्वने, भिंतुना ।। २ ।।