nepal life 2076 3 18

न्हूदँ समारोह समितिं शनिवाः थँहितिइ कौला ज्याझ्वः याइगु

नेवा: अनलाइन न्युज – ललेन्द्र शाक्य | २०७८ मङ्सिर ७, मंगलबार १५:४२:३६

नेपाल संवत् न्हूदँ राष्ट्रिय समारोह समिति ११४२ या ग्वसालय् वइगु ने.सं. ११४२ कछलागा अस्तमि (मंसीर ११ गते) शनिवाः न्हूदँया लसताय् कौला ज्याझ्वः याइगु जूगु दु ।

समारोह समिति कौला ज्याझ्वः उपसमितिया कजि ज्योति शाक्यं उगु कौला ज्याझ्वः शनिवाः ११ गते थँहितिइ सुथसिया ८ ता ईनिसें ११ ता ईतक यायेगु जानकारी बियादीगु दु ।

भाजु शाक्यं बियादीगु जानकारी कथं उगु कौला ज्याझ्वलय् नेवाः न्ह्यलुवाः लिसें संघीय मामिला व सामान्य प्रशासन मन्त्री राजेन्द्र श्रेष्ठ मूपाहाँ कथं ब्वनातयागु व थीथी राजनीतिक पार्टीया मन्त्रीपिन्त ब्वनातयागु जानकारी बियादिल ।

अथेहे, उगु ज्याझ्वलय् विशिष्ट पाहाँ कथं न्हूदँ समारोह समिति सल्लाहकार समितिया नायःलिसें भाषासेवी, समाजसेवी, उद्योगपति नेवाः न्ह्यलुवाः लक्ष्मीदास मानन्धरयात ब्वनातयागु जानकारी नं भाजु शाक्यं बियादिल ।

ज्याझ्वलय् न्हूदँया आन्दोलनय् आबद्ध व नेपालभाषा ख्यःया हनेबहःपिं व्यक्तिपिन्त उगु ज्याझ्वलय् ब्वनातःगु दु ।

Categorized in राष्ट्रिय