nepal life 2076 3 18

न्हूदँ व सन्देश

–ज्ञानबहादुर महर्जन ‘नेवाः’

किपू

१.
ग्वंगः हाल न्हां
चा बिना सुथ जुल
कर्म न्ह्याकेनु ।।

२.
फुकेमते न्हां
ब्यर्थय् थःगु जीवन
कीर्ति तयेनु ।।

३.
पलाः पलाखय्
सफलताया चिं छु
हरेश मनय् ।।

४.
भिंतुनाया सः
देय् न्यंक थ्वयेकेनु
ह्यूपाःया नितिं ।।

५.
न्ह्याकेनु झीसं
निरन्तर संघर्ष
उसिं मचाःसे ।।

६.
देया जनता
उकुस मुकुस थौं
वाः मचाः अझं ।।

७.
म्ह पुजा यानाः
पहिचान ब्वयेनु
राष्ट्रया सान ।।

८.
न्हूदँ हनेनु
शंखधर साख्वाःया
नेपाःया गर्व ।।

९.
लसकुस दु
भिंतुना सः थ्वयेके
फुक्क नेपाःमिं ।।