न्हूदँया लसता ज्याझ्वः जक मखु आन्दोलनया माग नं पुंवकेगु ज्याझ्वः यायेमाः मल्ल के. सुन्दर
नेवा: अनलाइन न्युज – ललेन्द्र शाक्य | २०७८ मङ्सिर ११, शनिबार १९:१६:०७
नेवाः न्ह्यलुवा मल्ल के. सुन्दरं न्हूदँया लसता लसता ज्याझ्वः जक यायेगु मखुसें न्हुद्यँ व नेपाल संवत ल्वनाच्वंगु माग यात पुंवकेगु कथंया ज्याझ्वः यायेमाःगु बिचाः प्वंकादिगु दु । भाजु सुन्दरं थौ शनिवाः नेपाल संवत न्हूदँ राट्रिय समारोह समितिं ११४२ या ग्वसालय् जुगु थहिति चुकय् याःगु कौला ज्याझ्वलय् न्ववासें थथे बिचाः प्वंकादिगु खः ।
वयकलं नेपाल संवत हनेगु जक मखु व लय् लय् पतिं ज्याझ्वः यायेगु नामय् ज्याझ्वः यायेगु जक मखुसें झिगु माग छु खः व पुवकेगु कथंया ज्याझ्वः यायेत नं वयकलं समारोह समितियात इनाप यानादिगु दु ।
अथे हे वयकलं थहिति त्वाः नेपाल संवतया आन्दोलन न्ह्याकेगु निति दकलय् न्ह्यापां भिंतुना ¥यालि न्ह्याकुगु थाय् जुगु स्मरण यानादिगु खः ।
ज्याझ्वलय् समारोह समितिंया सल्लाकार समितिया कजि लक्ष्मीदासु मानन्धरया मू उपस्थिति जुगु खः ।
समारोह समितिया नायः निर१जनरत्न शाक्यया सभापतित्वय् जुगु उगु ज्याझ्वलय् लसकुस न्वचु समारोह समितिया दुजः लिसें येँ महानगरपालिका १७ वडाया वडा अध्यक्ष नविन मानन्धरं लसकुस यानादिगु खःसा ज्याझ्वः समितिया दुजः लिसें कौला ज्याझ्वः उपसमितिया कजि ज्योति शाक्यं न्ह्याकादिगु खः ।
Categorized in राष्ट्रिय