city axpris 2

न्हापांगु कासाय् पाकिस्तान नाप नेपाल न्हयय्गू विकेटं पराजित

नेवा: अनलाइन न्युज – निश्चल | २०८० मङ्सिर २२, शुक्रबार १९:५९:०४

एसिसी यू – १९ एकदिवसीय एसिया कप क्रिकेट प्रतियोगिताया न्हापांगु कासाय् नेपाल पराजित जुगु दु । नेपाली यू– १९ टिमं पाकिस्तानया यू–१९ टिमयात १५३ रनया लक्ष्य ब्यूगु खः ।

दुबईया आइसिसी एकेडेमी ओभल– २ या कासाय् नेपालया यू– १९ टिम पाकिस्तानया यू– १९ नाप ७ विकेट पराजित जुगु खः । नेपालं ब्यूगु १५३ रनया लक्ष्य पाकिस्तानं २६.२ ओभरय् स्वगू विकेटया क्षतिइ पूरा याःगु खः ।

पाकिस्तानया पाखें आजन आविसं ६२ बलय् च्यागू चौका लिसें ५६ रन दयेकुगु खः । अथे हे कप्तान साद बेग ५६ बलय् ५ चौका दयेका ५० रनय् आउट जुल ।

थौं शुक्रवायष कासाय् ब्याटिङ–बलिङ निगूलिं नेपालया निराशाजनक प्रदर्शन यात । टस जितेर पाकिस्तानं न्हापांगु फिल्डिङ ल्यया ब्याटिङय् कुहाावम्ह नेपालं ४७.२ ओभरय् अलआउट जुसें १५२ रन दयेकुगु खः ।

नेपालया नितिं उत्तमरञ्जु थापामगरं दकलय अप्वः ५१ रन दयेकुगु दु । ७६ बलया सामना यानाः उत्तमं निगू छक्का व स्वगू चौका प्रहार याःगु खः ।

Categorized in कासा