nepal life 2076 3 18

न्हापांगुखुसि मिसाम्ह नायः, अखिल क्रान्तिकारीया नायः पञ्चा सिंह

नेवा: अनलाइन न्युज – ललेन्द्र शाक्य | २०७८ आश्विन १७, आइतबार ११:३२:३१

माओवादी केन्द्र लिक्क लाःगु अखिल क्रान्तिकारीया नायः पञ्चा सिंह जूगु दु । आइतवाः सुथय् माओवादी केन्द्र नायः पुष्पकमल दाहाल प्रचण्डं अखिल क्रान्तिकारीया नायः पदय् पञ्चा सिंह जुइगु निर्णय न्यंकूगु खः ।

अखिल क्रान्तिकारीया इतिहासय् मिसाम्ह नायः जूगु थ्व न्हापांगुखुसि खः ।

अखिल क्रान्तिकारीया नायः पदय् पञ्चा सिंह व सुरेन्द्र बस्नेत मू दाबेदार खः । अखिल क्रान्तिकारीं नायः ल्ययेगुया भाला पार्टी नायः प्रचण्डयात ब्यूगु खः ।

नेतृत्व ल्ययेगु विषयस सहलह यायेत अखिल क्रान्तिकारीया नेतापिं आइतवाः सुथय् प्रचण्ड निवास खुमलटार थ्यंकूगु खः । वहे सहलहस प्रचण्डं पञ्चा सिंहयात नायः पदय् ल्यःगु छम्ह नेतां जानकारी ब्यूगु खः ।

आः २२ क्वःगु राष्ट्रिय सम्मेलनया जुयाच्वंगु बन्दसत्रपाखें पञ्चा सिंह अखिल क्रान्तिकारी नायः जूगु औपचारिक घोषणा जुइ ।

Categorized in राजनीति