coved ad

न्यूज अपडेट : हत्याया विरोधय् पूर्वपश्चिम राजमार्ग अवरुद्ध

नेवा: अनलाइन न्युज – ललेन्द्र शाक्य | २०७८ कार्तिक २४, बुधबार ०९:०६:५६

कैलालीइ छम्ह मिजंया हत्या जूगु विरोधय् स्थानीय बासिन्दां पूर्वपश्चिम राजमार्ग अवरुद्ध याःगु दु ।

मंगलवाः बहनी टीकापुर नगरपालिका १ य् चक्कु प्रहार यानाः लम्कीचुहाया भुपेन्द्र बडुवालया हत्या जूगु खः ।

हत्याय् दुथ्याःपिन्त कारवाहीया माग यासें स्थानीय बासिन्दां लम्कीचुहा नगरपालिकाय् राजमार्ग अवरुद्ध याःगु खः ।

सुदूरपश्चिम प्रदेश ट्राफिक प्रहरी ज्याकुथिं बुधवाः सुथंनिसें हे पीडित पक्षं राजमार्ग अवरुद्ध यायेधुंकाः सवारीसाधन संचालनय् समस्या जूगु जानकारी ब्यूगु दु । राजमार्ग अवरुद्ध जुइधुंकाः थीथी थासं गन्तव्यया नितिं वःगु सवारीसाधन लम्कीचुहाय् हे थानाच्वंगु दुसा सलंसः यात्रुपिं अलपत्रय् लाःगु दु ।

मंगलवाः बहनी टीकापुर नगरपालिका १ य् च्वंगु सिद्धार्थ होटल लिक्क निगू समूहदथुइ जूगु ल्वापुइ चक्कु प्रहार यानाः लम्कीचुहाया २२ दँया भुपेन्द्र बडुवाया हत्या जूगु खः । प्रहरीं बडुवालया हत्याय् दुथ्याःगु आशंकाय् प्यम्हेसित नियन्त्रणय् कयाः अनुसन्धान न्ह्याकाच्वंगु जानकारी ब्यूगु दु ।

Categorized in दुर्घटना-अपराध