2565 buddha Jayanti ADV

न्यूज अपडेट : बौद्धय् बोरा दुने मनूया तुति जक

नेवा: अनलाइन न्युज – ललेन्द्र शाक्य | २०७८ जेठ २५, मंगलबार १३:३५:१६

येँया बौठया टाउन प्लानिङय् लुयावःगु बोरा दुने ल्यायम्ह मनूया छपा तुति जक लुयावःगु दु । 

सुरुइ सीम्ह लुयावःगु धाःसां नं प्रहरी पुचलं बोरा चायेकाः स्वःबलय् बोरा दुने पुलिंनिसें क्वय् च्वंगु छपा तुति जक लुयावःगु खः ।

घटनास्थलय् येँ प्रहरी परिसर प्रमुख एसएसपी अशोक सिंह व त्रिवि शिक्षण अस्पताल महाराजगञ्जया फरेन्सिक डाक्टपिं तकं थ्यंकूगु खः । फरेन्सिक डाक्टरपिन्सं सुं मनूया म्हगःपाखें निवाः स्ववाः न्ह्यः हे तुति ब्यागलं याःगु जुइफूगु धाःगु एसएसपी सिंहं धाःगु दु ।

घटना मेथाय् हे यानाः तुति जक बौद्धय् वांछ्वयेहःगु जुइफूगु अनुमान प्रहरीया दु । प्रहरीं सुं मनू तंगु सुचंया अध्ययन यानाः घटनाया अनुसन्धान प्रक्रिया न्ह्याकूगु एसएसपी सिंहं धाःगु दु । 

तुति पोष्टमार्टमया नितिं त्रिवि शिक्षण अस्पतालय् यंकूगु दु ।

मनूया तुति लुयावःगु थाय् लिक्क छेँ दुम्ह सुन्दर खनालं मंगलवाः सुथय् पूजा यायेत सितु घाँय् काःवनेत वःम्ह मनुखं सिमेन्टया बोरादुने तुति खनेधुंकाः थःत खबर याःगु व थम्हं सीम्ह लुयावःगु धकाः प्रहरीया खबर यानागु धाःगु दु ।

(थ्वन ब्वनादिसँ)

येँया बौद्धय् बोरा दुने लुल सीम्ह

Categorized in दुर्घटना-अपराध