ad prabhu

न्यूज अपडेट ः कालोबजारी सुलभ त्वःतल, हाकनं गिरफ्तार यात !

नेवा: अनलाइन न्युज – ललेन्द्र शाक्य | २०७७ बैशाख १८, बिहिबार १७:१३:२५

कालोबजारीया द्वपनय् वंगु चैत्र २५ गते गिरफ्तारीइ लाःम्ह ब्यापारी सुलभ अग्रवाल २५ लख ५० हजार तका दांया धरौटीइ त्वःतेगु येँ जिल्ला अदालतया फैसला वल । अग्रवाल थौं बिहिवाः त्वःतल । अदालतं पिहाँ वल । अदालतं पिहाँ वयेखतं हाकनं गिरफ्तार यात ।

कालोबजारीया द्वपनय् गिरफ्तारीइ लाःम्ह ब्यापारी सुलभ थुगुखुसि सम्पत्ति शुद्धिकरण विभागया फन्दाय् लाःगु दु । सम्पत्ति शुद्धिकरणं अग्रवालयात अनुसन्धान यानाच्वंगु दु । विभाग प्रधानमन्त्री ज्याकुथि अन्तर्गत लाः ।

जगदम्बा स्टिलया मालिक तकं जुयाच्वंम्ह अग्रवाल २५ चैत्रय् ज्वरो नापेयायेगु मेशीन थर्मन गनया कालोबजारीइ रंगेहात गिरफ्तारीइ लाःगु खः ।

अग्रवालयात अपराध महाशाखाया पुचलं ५ हजार तूगु थर्मल गन १५ हजार तकां मियाच्वंगु अवस्थाय् गिरफ्तार याःगु खः ।

गिरफ्तार लिपा अग्रवालयात २५ दिं हिरासतय् तयाः अनुसन्धान याःगु खः । तर थौं बिहिवाः संकिपाय् थें अदालतं त्वःतल, हाकनं गिरफ्तार यात, आः अग्रवालयात हिरासतय् हे तःगु दु ।

Categorized in दुर्घटना-अपराध