zero media family planning adv

न्यूजिल्याण्डय् ज्वालामुखी विष्फोट

नेवा: अनलाइन न्युज | २०७६ मङ्सिर २३, सोमबार १५:४३:४३

न्यूजिल्याण्डया ह्वाइट आइल्याण्डय् ज्वालामुखी विष्फोट जुयाः कम्ती न. २० म्ह मनू घाःपाः जूगु दुसा सुं व्यक्ति सम्पकृविहीन जूगु दु ।

उगु क्षेत्रय् कम्ती नं सच्छिम्हं मल्याक्क फसेजूगु आशंका याःगु बीबीसीं जानकारी ब्यूगु दु ।

न्यूजिल्याण्डया प्रधानमन्त्री जेसिन्डा आर्डनं घटनाया पुष्टि यासें थुगु विष्फोट अतिकं तसकं जूगु धाःगु दु ।

स्थानीय प्रहरी अधिकारीं घटनास्थलं सुं सुं मनूतय्त उद्धार याःगु व सुं सम्पर्कविहीन जूगु धाःगु दु । उद्धार याःपिंमध्ये यक्वसिगु म्हगः च्याःगु दु व गुलिंसिगु अवस्था तच्वः जूगु दु । लिच्वः लाःगु क्षेत्रय् उद्धारकःमिपिं परिचालन याःगु दु ।

न्यूजिल्याण्डया उत्तरपाखे लाःगु ह्वाइट आइल्याण्ड ह्वाकारी धकाः नं नांजाः । थ्व देसया हे दकले तःधंगु सक्रिय ज्वालामुखी जुइगु क्षेत्र खः । सक्रिय ज्वालामुखी जूसां नं थ्व पर्यटकीय आकर्षणया केन्द्र कथं कयातःगु दु ।

थन सन् २००१ थुखे न्हापांगुखुसि ज्वालामुखी विष्फोट जूगु खः । ज्वालामुखी विष्फोट जूगु इलय् उगु क्षेत्रय् आपालं पर्यटकपिं दूगु खः ।

Categorized in अन्तर्राष्ट्रिय