नेवा: अनलाइन न्युज – ललेन्द्र शाक्य | २०७९ चैत्र २, बिहिबार १०:३४:२०

न्यूजिल्याण्डया केर्माडेक द्वीपय् ७.१ रेक्टरस्केलया भुखाय् ब्वःगु अमेरिकी भौगर्भिक संस्था युएसजीएसं जानाकारी ब्यूगु दु ।

बिहिवाः सुथय् १० किलोमिटर गहिराइस केन्द्रविन्दु जुयाः भुखाय् ब्वःगु खः । भुखाय्या तीव्रता ७.१ रेक्टरस्केल मापन जूगु व सुनामीया ख्याच्वः जारी याःगु बुखँ एजेन्सी रोयटर्सं जानकारी ब्यूगु दु ।

सुनामीं क्षति यायेफूगु जूगुलिं न्यूजिल्याण्ड व टोगा क्षेत्रय् तकं सतर्कता छ्यःगु दु ।

थ्वसिबें न्ह्यः २०७५ साल भाद्रय् केर्माडेक द्वीपय् ६.९ रेक्टरस्केलया भुुखाय् ब्वःगु खः । न्यूजिल्याण्डयात भुखाय् व ज्वालामुखीथें जाःगु प्राकृतिक प्रकोपं ख्यानाच्वंगु देय् कथं नं कयातःगु दु ।

Categorized in अन्तर्राष्ट्रिय