prabhu baink new

न्याद्वलं मल्याक्क न्हूपिं प्रहरी भर्नाया नितिं दर्खास्त आह्वान

नेवा: अनलाइन न्युज – ललेन्द्र शाक्य | २०७७ आश्विन ३०, शुक्रबार १२:३२:४४

प्रहरी प्रधान ज्याकुथिं न्याद्वलं मल्याक्क न्हूपिं प्रहरी भर्नाया नितिं दर्खास्त आह्वान याःगु दु ।

प्रहरी प्रधान ज्याकुथिं प्रहरी जवान पदया नितिं सार्वजनिक याःगु विज्ञापन कथं खुल्ला कासापाखे समावेशी प्रावधान कथं ५,२२७ म्ह न्हूपिं प्रहरी भर्नाया प्रक्रिया न्ह्यःने यंकूगु खः । गुगुमध्ये खुल्लापाखे २,८१७ कोटा दु ।

समावेशीपाखे दकले अप्वः कोटा आदिवासी जनजातिया नितिं ७३७ गू कोटा दु । मिसापाखे ४४१ म्ह माग यानातःगु दु ।

कार्तिक १६ गतेनिसें २३ गते दुने मंदुपिन्सं फारम जायेकाः बुझेयायेमाःगु प्रहरी प्रधान ज्याकुथिं थौं सुचं जारी याःगु दु ।

Categorized in लजगाः