nepal investment baink

न्यागू दलया संकल्प ‘निराशा चिइका,भरोसा ब्वलंकेगु’ प्रतिबद्धता

नेवा: अनलाइन न्युज | ने.सं. ११४४ सिल्लागा दसमी (२०८० चैत्र ६ गते) मंगलवाः

सरकारय् सहभागी न्यागू राजनीतिक दलं ‘न्यूनतम नीतिगत प्राथमिकता व साझा संकल्प’ थौं मंगलवाः सार्वजनिक याःगु दु । प्रधानमन्त्री कार्यालय थौं ग्वसाःग्वगु ‘निराशा चिइका, भरोसा ब्वलंकेगु’ प्रतिबद्धता लिसें न्यूनतम ज्याझ्वः सार्वजनिक याःगु दु । 

फागुन २९ गते न्यागू राजनीतिक दलया दथुइ राजनीतिक समीकरण जुयवं न्यूनतम ज्याझ्वः तयार यायेत कार्यदल दयेकुगु न्यागू दल दथुइ जुगथु न्हय्गू बुँदे सहमतिया आधारय् कार्यदलंं ‘न्यूनतम नीतिगत प्राथमिकता व मंकाः संकल्प’ तयार याःगु दु ।

नीति तथा कार्यक्रमय् संविधानया मर्म व भावनाविपरीत राज्य सञ्चालनय् खनेदुगु विचलनता दीका संघीय लोकतान्त्रिक गणतन्त्रयात सुदृढ यायेत विद्यमान आर्थिक शिथिलता, दण्डहीनता व व्यावसायिक निराशाता यात चिइका जनताय् राज्यप्रति आशा व भरोसा ब्वलंकेगु प्रतिबद्धता व्यक्त याःगु दु । व थीथी १३ गू मूमू क्षेत्रयात प्राथमिकताय् तःगु दु ।

Categorized in राष्ट्रिय