zero media family planning adv

न्याँया छोयला व सेकुवालिसें लायकू दरबारय् महाशिवरात्री क्याराओके पार्टी बिहिवाः

नेवा: अनलाइन न्युज – ललेन्द्र शाक्य | २०७७ फाल्गुण २७, बिहिबार १०:२१:४१

नेवाः समुदाय दुनेया सकतां नेवाः नसाज्वलंया गन्तव्य थाय् कथं व किपूया सामाजिक, धार्मिक, आर्थिक, सांस्कृतिक पक्षयात जीवन्तता बियाः किपूया सम्पदायात ल्यंकातयेगु आज्जुं नीस्वंगु लायकू दरबार एण्ड हेरिटेज होमय् फागुन २७ गते बिहिवाः सिलाचःह्रे (शिवरात्री)या लसताय् ...महाशिवरात्री क्याराओके पार्टी...सांगितिक ज्याझ्वः जुइगु जूगु दु ।

किपू नगरपालिका १ वडा लायकू त्वालय् पलिस्था यानातःगु लायकू दरबार एण्ड हेरिटेज होमया प्रमुख नविन प्रधानं बियादीगु जानकारी कथं उगु ...महाशिवरात्री क्याराओके पार्टी...सांगितिक ज्याझ्वः बिहिवाः न्हिनसिया २ ता इलंनिसें न्ह्याइगु व बहनी ८ः३० ता ईतक जुइगु जूगु दु ।

किपूया नांजाःम्ह गायक लिसें ने.सं. ११३३ या पेजथ्री ट्यालेन्ट सिंगर अवार्ड त्याकादीम्ह राजेश महर्जन नेवाःलिसें थीथी कलाकारपिनिगु सांगितिक सवाः न्ह्यब्वइगु उगु ...महाशिवरात्री क्याराओके पार्टी...ज्याझ्वलय् ब्वति कयाः म्ये हालेमंदुपिन्त नं लायकू दरबारया दबू बिइगु जुइ धकाः जानकारी बिसें लायकू दरबार प्रमुख नविन प्रधानं बिहिवाःया शिवरात्री क्याराओके पार्टी ज्याझ्वलय् सहभागिताया नितिं सकलसित इनाप यानादीगु दु ।

लायकू दरबार एण्ड हेरिटेज होमय् बिहिवाः जुइगु महाशिवरात्री क्याराओके पार्टीइ विशेष नसाज्वलंया रुपं न्याँया छोयला व सेकुवा तयातःगु दु । लिसें सकतां नेवाः नसाज्वलं व थीथी कन्टिनेन्टल नसाज्वलंया व्यवस्था नं यानातःगु दु ।

लायकू दरबार रेष्टुरेन्ट एण्ड हेरिटेज होमय् प्रत्येक वाःया शुक्रवाः व शनिवाः सांगितिक ज्याझ्वः ग्वसाः ग्वयाः वयाच्वंगु दु ।

Categorized in बजाः