Mohanai 2078 KTM

नेसन्स लिगया उपाधि फ्रान्सयात

नेवा: अनलाइन न्युज – ललेन्द्र शाक्य | २०७८ आश्विन २५, सोमबार ११:१०:२९

फ्रासन्सं युइएफए नेसन्स लिग २०२१ या उपाधि त्याकूगु दु । आइतवाः बहनी जूगु फाइनल कासाय् स्पेनयात २–१ गोल अन्तरं बुकाः फ्रान्स च्याम्पियन जूगु खः ।

इटलीया सान सिरोय् जूगु कासाय् फ्रान्सं छगू गोलं ल्यूने लाःगु स्थिति फातापुइकाः पुनरागमन जित ल्हातय् लाकूगु खः ।

मिकेल ओयाजाबालं ६४ औं मिनेटय् गोल यासें स्पेनयात न्हापां अग्रता ब्यूगु खः ।

तर निगू मिनेट लिपा हे करिम बेन्जामां फ्रान्सया नितिं बराबरी गोल यात । ८० औं मिनेटय् किलियन एमबाप्पें गोल यासें फ्रान्सयात त्याकेत ताःलात ।

फ्रान्स नेसन्स कपया निगूगु विजेता खः । थ्वसिबें न्ह्यः २०१९ स पोर्चुगलं त्याकूगु खः ।

Categorized in कासा